ថ្ងៃបុណ្យចូលឆ្នាំប្រពៃណីចិន-វៀតណាម នេះ កម្លាំងការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានត្រៀមកម្លាំងប្រចាំការគ្រប់គោលដៅ ២៤ម៉ោងលេី ២៤ម៉ោង ដេីម្បីត្រៀមចេញជួយ សង្គ្រោះ បងប្អូនប្រជាពលរដ្ឋនៅពេលមានករណីចាំបាច់ណាមួយ។

ភ្នំពេញ ៖ លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ បានប្រាប់អោយដឹងថា កម្លាំងជំនាញរបស់យេីង បានប្រចាំការគ្រប់គោលដៅទាំងអស់ ក្នុងរាជធា នីភ្នំពេញ និងតាមបណ្តាលខណ្ឌទាំង១៤ ដេីម្បីត្រៀមចេញប្រតិបត្តិការជួយសង្គ្រោះ ទាន់ពេលវេលាផងដែរ។
លោកវរសេនីយ៍ឯក ព្រហ្ម យ៉ន នាយការិយាល័យ បានបន្តថា សូមបងប្អូនប្រជាពលរដ្ឋទាំងអស់ គ្នា មេត្តាប្រុងប្រយ័ត្នឲ្យបានខ្ពស់បំផុត នៅក្នុងថ្ងៃសែន នេះ ក៏ដូចជាភ្លេីងធូប -ភ្លើងទៀន ជាពិសេស នោះ ពេលចាកចេញពីផ្ទះ ត្រូវបិទប៉ារ៉ែតភ្លេីងអោយបានត្រឹមត្រូវមុនពេលចាកចេញពីគេហដ្ឋានផងដែរ។
លោកវរសេនីយ៍ឯក ព្រហ្ម យ៉ន នាយការិយាល័យ បានបន្តទៀតថា នៅពេលដែលបងប្អូនប្រជាពលរដ្ឋមានការចាំបាច់ រឺក៏ជួបប្រទះនៅករណីអគ្គិភ័យនៅកន្លែងណា សូមរាយការណ៍មកកាន់លេខ 017 678 738 / 666 ពេលនោះ កម្លាំងជំនាញយេីងនឹងចេញអន្តរាគ មន៍ភ្លាមៗផងដែរ៕