នៅ ថ្ងៃនី ១៥ ខែ មករា ឆ្នាំ ២៩២ លោកហ៊ូ ហេម វិចិត្រ Hem Vichet ប្រធានគ្រប់គ្រងស្ថានីយ Sweet Fm & Love FM ទូទាំងប្រទេសនិងលោកញាណ តុលា.តំណាងក្រុម រួមគ្នាដើម្បីការងារសង្គមនិងភរិយា បាននាំយកជំនួយជាគ្រឿងឧបភោគបរិភោគមាន៖ -អង្ករ 85គីឡូ -មី1កេស សាច់ក្រក1ថង់ -ត្រីខ10កំប៉ុង -ភេសជ្ជៈថេនសៃយូឈិ2យួរ -សារុង5 និងក្រមា5សាប៊ូ5ដុំ ប៊ីចេង ស្ករទឹកត្រី -ព្រមទាំងថវិកា 1.000.000៛ ដែលជាអំណោយរបស់ សមាគម វិមានរចនា និងសប្បុរសជននានាក្នុងខេត្តសៀមរាប យកមកប្រគល់ជូនដល់គ្រួសារក្រីក្រ អ្នកស្រីហ៊ូយ ឆែម ដែលបានទទួលមរណភាព ដោយសារជំងឺរ៉ាំរ៉ៃ ហើយបន្សល់ទុកកូនចំនួន 4នាក់ឲ្យនៅកំព្រាជាមួយនឹងប្តី។ ដោយមានការចូលរួមពីលោកអ៊ុំ ប៉ាន់ ពឺន មេភូមិត្នោតជ្រុំ ឃុំដូនកែវ ស្រុកពួក ខេត្តសៀមរាបប្រជាការពារភូមិ និងអ្នកស្ម័គ្រចិត្តចូលរួមក្នុងពិធីប្រគល់និងទទួលអំណោយនាឨកាសនេះ។ ថវិកានេះបែងចែកជាពីរ500.000៛ សម្រាប់ចាត់ចែងធ្វើបុណ្យសពអ្នកស្រីដែលបាន(ស្លាប់កាលពី4ថ្ងៃមុន។ ដោយមិនទាន់បានធ្វើបុណ្យព្រោះគ្មានថវិកាដោយស្លាប់ភ្លាម រួចបូជាទាំងយប់ភ្លាម) ហើយ500.000៛ទៀតសម្រាប់ជូនប្តីសពគាត់ទុកប្រើប្រាស់ផ្គត់ផ្គង់ជីវិភាពគ្រួសារនិងអោយកូនទៅសិក្សាប្រចាំថ្ងៃផងដែរ។ ដោយឡែកលោកមេភូមិ ប្រជាការពារភូមិ.ក្រុមអ្នកស្ម័គ្រចិត្តភូមិ ក៏បានទទួលអំណោយ វិមានរចនាផងដែរ ដោយក្នុងម្នាក់ៗទទួលបានសារុងមួយនិងសាប៊ូក្រអូបមួយដុំ។
