របរចិញ្ចឹមឃ្មុំក្នុងពេលបច្ចុប្បន្នកំពុងមានសន្ទុះយ៉ាងខ្លាំងស្របពេលដែលកំណើននៃការប្រើប្រាស់ទឹកឃ្មុំចិញ្ចឹមបែបធម្មជាតិរបស់ពលរដ្ឌខ្មែរ ក៍មានការកើនឡើងជាលំដាប់ដោយសារកត្តាគុណភាព និងបងប្អូនយើងមានការយល់ដឹងច្រើនពីទឹកឃ្មុំចិញ្ចឹមបែបធម្មជាតិនេះផងដែរ

បើតាមការសង្កេតនាពេលថ្មីៗនេះ នៅតំបន់មួយចំនួនក្ម្នុងខេត្តកំពង់ចាមរួមមានកោះសូទិន្ទ កោះសំរោង កោះជ្រូក កោះប៉ែន… ។ល។ កំពុងមានសកម្មភាពប្រមូលផលទឹកឃ្មុំចិញ្ចឹមក្នុងចំការគយ៉ាងផុសផុល ដែលបងប្អូនប្រជាកសិករយើងបានចិញ្ចឹមក្នុងរដូវកាលផ្កាគនេះ។

ជួបជាមួយលោកសុង លាង ម្ចាស់កសិដ្ឋានឡាក់គីទឹកឃ្មុំ ធម្មជាតិ បានអោយដឹងថា លោកបានចាប់ផ្តើមអាជីពចិញ្ចឹមឃ្មុំនេះរយៈពេល៤ឆ្នាំមកហើយ ដោយលោកបានបញ្ជាក់ថាមុខរបរនេះទាមទារបទពិសោធន៍ ពេលវេលា និងការព្យាយាមតស៑ូ ជាមួយនិងផលលំបាកក្នុងការផ្លាស់ប្តូរទីតាំងទៅតាមតំបន់នានាតាមបណ្តាខេត្តឆ្ងាយៗដើម្បីរកប្រភពផ្កាធម្មជាតិល្អៗសំរាប់សត្វឃ្មុំរបស់លោក ។ កង្វល់ផ្សេងទៀតនោះគឺការកាប់បំផ្លាញព្រៃធម្មជាតិនៅតាមតំបន់មួយចំនួន ដែលធ្វើអោយបងប្អូនដែលប្រកបរបរនេះត្រូវធ្វើដំណើរកាន់តែឆ្ងាយទៅៗដើម្បីរកប្រភពផ្កាល្អៗសំរាប់ឃ្មុំរបស់ពួកគាត់។ ជាទូទៅលោកបានធ្វើការបំលាស់ទី៤ ទៅ ៥ ដងក្នុង១ឆ្នាំដើម្បីទៅរកប្រភពផ្កាទាំងនោះរួមមានផ្កាមៀនក្នុងទឹកដីកោះអន្លង់ចិនខេត្តកណ្តាល ព្រៃអាកាស្យាខេត្តស្វាយរៀង ផ្កាគនាខេត្តកំពង់ចាម និងចំការដំណាំចំរុះធូរេន សាវម៉ាវ ចន្ទី ខ្នុរ ស្វាយ…..ក្នុងក្រុងសួង……។
លោកក៍បានរៀបរាប់ផងដែរ ចំពោះតំលៃទឹកឃ្មុំលើទីផ្សារបច្ចុប្បន្នក្នុងការប្រកួតប្រជែងនិងទឹកឃ្មុំដែលនាំចូលពីបរទេសរួមមានវៀតណាម និងថៃជាដើម ។ ហើយដែលទឹកឃ្មុំមួយចំនួនគឺគ្មានប្រភពច្បាស់លាស់ និងមានផលប៉ះពាល់ចំពោះសុខភាពពលរដ្ឌដែលប្រើប្រាស់ផលិតផលទាំងនោះដូចជាងាយនិងបង្កជាជំងឺទឹកនោមផ្អែមជាដើម….។ ហើយកង្វល់ផ្សេងទៀតនោះគឺបញ្ហាទឹកឃ្មុំឡើងក្រាមដែលបងប្អីន យើងតែងតែគិតថាមិនសុទ្ធឬលាយស្ករដែលបញ្ហានេះគឺវាមិនពិតឡើយ ជាមួយដំណោះស្រាយវិញលោកបានប្រាប់ថា ងាយបំផុតដោយគ្រាន់តែយកទឹកឃ្មុំឡើងក្រាមនោះដាក់ហាលថ្ងៃរយៈពេល២ថ្ងៃនោះក្រាមទឹកឃ្មុំនិងរលាយមកជាទឹកឃ្មុំធម្មតាវិញហើយ តែបើមិនសុទ្ធវិញគឺវាមិនរលាយមកវិញទេ។
ចំពោះរសជាតិវិញគឺថាទឹកឃ្មុំចិញ្ចឹមមានរសជាតិផ្សេងៗគ្នាទៅតាមប្រភេទផ្កានិងចំការដែលពួកគាត់ចិញ្ចឹម…..។
លោកបានសំណូមពដល់បងប្អូនប្រជាពលរដ្ធខ្មែរយើង មេត្តាជួយគាំទ្រផលិតផលខ្មែរ ដែលផលិតដោយកសិករខ្មែរ (ខ្មែរជួយខ្មែរ) ។ ហើយថាការចិញ្ចឹមឃ្មុំនេះក៍បានចូលរួមជួយដល់ផលដំណាំអោយបានទទួលផលច្រើនដោយសត្វឃ្មុំជួយបង្កាត់កេសរញីឃ្មោលអោយកាន់ផ្កាបានល្អ និងជៀសផុតពីការប្រើប្រាស់ថ្នាំគីមីផ្សេងៗ….។

សព្វថ្ងៃនេះ ឡាក់គីទឹកឃ្មុំធម្មជាតិ មានអតិថិជនគាំទ្រយ៉ាងច្រើនក្នុងក្រុងភ្នំពេញនិងតាមបណ្តាខេត្តនានាក្នុងព្រះរាជាណាចក្រកម្ពុជា ហើយមានលក់រាយនិងបោះដុំក្នុងតំលៃសមរម្យជាមួយនិងគុណភាពល្អ អនាម័យខ្ពស់ ចំណុះត្រឹមត្រូវ ពិសេសបំផុតនោះគឺសេវាកម្មរហ័សទាន់ចិត្តដឹកជញ្ជូនឥតគិតថ្លៃ ។
លេខទូរស័ព្ទទំនាក់ទំនង 012 762 841 / 090 762 841 / 086 953 678
Facebook ឡាក់គីទឹកឃ្មុំធម្មជាតិ