ភ្នំពេញ ៖ បុរសម្នាក់បេីករថយន្តទាំងស្ថានភាពស្រវឹងស្រាជ្រុលចង្កូតទៅបុករបាំងថ្មដាក់បាំងប្រឡាយ ទឹកស្អុយ បណ្ដាលឲ្យធ្លាក់ទាំងរបាំងថ្ម និងរថយន្ត លិចចូលក្នុងប្រឡាយត្រូវបានប្រជាពលរដ្ឋជួយសង្គ្រោះទាន់ពេលវេលា។ហេតុការណ៍នេះបានកេីតឡេីងកាលពីវេលាម៉ោង១ និង២០នាទីរំលងអាធ្រាត្រ ឈានចូលថ្ងៃទី ២៣ ខែតុលា ឆ្នាំ ២០២១ ស្ថិតនៅតាមបណ្ដោយផ្លូវ១០៥ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុនោះគឺ គេឃេីញរថយន្តបង្កម៉ាក Range rover ពណ៌ស ពាក់ស្លាកលេខភ្នំពេញ 2AT-8678 បេីកបរដោយបុរសម្នាក់ ធ្វេីដំណេីរតាមបណ្ដោយផ្លូវ១០៥ ទិសដៅពីជេីងមកត្បូងក្នុងល្បឿនលឿន ខណៈមកដល់ចំណុចកេីតហេតុក៏រេចង្កូតមកឆ្វេងដៃទៅបុករបាំងថ្មដាក់បាំងប្រឡាយ បណ្ដាលឲ្យធ្លាក់ទាំងរបាំងថ្មនិងរថយន្ត បង្កចូលក្នុងទឹកស្អុយ ព្រមទាំងធ្វេីឲ្យតៃកុងគាបជាប់ក្នុងរថយន្តហេីយត្រូវបានបងប្អូនប្រជាពលរដ្ឋចុះទៅស្រង់និងជួយសង្គ្រោះទាន់ពេលវេលា សំណាងល្អក្នុងករណីនេះមិនបង្កឲ្យមនុស្សរងរបួសនោះទេ ។
ក្រោយកេីតហតុ តៃកុងរថយន្តបង្កត្រូវបានសមត្ថកិច្ចមូលដ្ឋានឃាត់ខ្លួនបញ្ចូនមកកាន់អធិការដ្ឋាននគរបាលខណ្ឌចំកាមន ដេីម្បីសួរនាំ ។ រីឯរថយន្តបង្កក៏ត្រូវសមត្ថកិច្ចទាក់ទងទៅរថយន្តស្ទួចឲ្យមកស្ទួចយករថយន្តបង្កទៅរក្សាទុក រង់ចាំម្ចាស់ចូលខ្លួនដោះស្រាយាមច្បាប់ ៕
