រថយន្តកាមរីបាឡែនព្រលះរបាំងថ្មពុះចែកទ្រូងផ្លូវរងការខូចខាតយ៉ាងដំណំ

ភ្នំពេញ: បុរសម្នាក់រថយន្តកាមរីបាឡែនគ្រឿង មេឃកំពុងភ្លៀងបានរេចង្កូតទៅបុកបាំងថ្មពុះចែកទ្រូងផ្លូវពេញទំហឹងបណ្ដាលឲ្យអស់ចំនួនពិរកង់ ឯរថយន្តបែកកង់ដាច់កាឡេទៅមុខលែងរួច។ហេតុការណ៍នេះកើតឡើងកាលពីវេលាម៉ោង៧និង ៤០ នាទីយប់ថ្ងៃទី ២០ ខែតុលាឆ្នាំ ២០២១នៅចំនុចមុខការ៉ាស់សាំងតេលា តាមបណ្ដោយផ្លូវ ២៨៩ កែងផ្លូវ ៥២៨ ក្នុងសង្កាត់បឹងកក់ទី១ ខណ្ឌទួលគោករាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកាមរីបាឡែនមួយគ្រឿងពណ៌សពាក់ស្លាកលេខភ្នំពេញ2AE-1988ធ្វើដំណើរតាមបណ្តោយផ្លូវ ២៨៩ទិសដៅពីជើងទៅត្បូង លុះដល់ចំណុចកើតហេតុខាងលើកែងនឹងផ្លូវ ៥២៨ បានរេចង្កូតទៅខាងឆ្វេងដៃ ជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឲ្យបាក់អស់ចំនួនពីរកង់ ឯរថយន្តខូចខាតផ្នែកខាងមុខខាងឆ្វេងបែកកង់និងដាច់ក្រឡេទៅមុខលែងរួច។ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមច្បាប់៕