ភ្នំពេញ: បុរសម្នាក់បានស្លា-ប់បា-ត់បង់ជីវិ-តនៅក្រោមតំណក់កំភ្លៀងនៅនឹងកន្លែងកើតហេតុយ៉ាងអាណោចអាធ័ម បន្ទាប់ពីជិះម៉ូតូសុខៗស្រាប់តែរថយន្ត lexus មិនចាំស្លាកលេខម៉ូតូមកបុកពីក្រោយពេញទំហឹងបណ្ដាលឲ្យជនរងគ្រោះដួលបោកក្បាលទៅនិងថ្នល់ ពេញទំហឹង កាលពីវេលាម៉ោង ១០និង១៥ នាទីយប់ថ្ងៃទី៣០ ខែសីហាឆ្នាំ២០២១ នៅចំណុចមុខ សាលាអន្តរជាតិប៊ែលធី តាមបណ្ដោយផ្លូវ ២០២១ ក្នុងសង្កាត់គោកឃ្លាង ខណ្ឌសែនសុខរាជធានីភ្នំពេញ។
សពជនរងគ្រោះមានឈ្មោះ មុឹង សុគន ភេទប្រុសអាយុ៣៣ ឆ្នាំ មុខរបរជាងភ្លើង ស្នាក់នៅទឹកថ្លា ខណ្ឌសែនសុខ មានស្រុកកំណើត ភូមិវ៉ារិន្ទទី១ ឃុំខ្ចៅស្រុកកងមាស ខេត្តកំពង់ចាម។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញជនរងគ្រោះជិះម៉ូតូម៉ាកហុងដាឌ្រីមសង់ស៊េរីឆ្នាំ ២០២០ ពណ៌ខ្មៅពាក់ស្លាកលេខភ្នំពេញ1IE-6490ធ្វើដំណើរតាមបណ្តោយផ្លូវ ២០២១ទិសដៅពីជើងទៅត្បូង លុះមកដល់ចំណុចកើតហេតុខាងលើក៏មានរថយន្តមួយគ្រឿងម៉ាក lexus មិនចាំស្លាកលេខធ្វើដំណើរមកពីក្រោយក្នុងល្បឿនបុកម៉ូតូពីក្រោយពេញទំហឹងបណ្ដាលឲ្យជនរងគ្រោះដួលបោកទៅនឹងថ្នល់ស្លាប់យ៉ាងអាណោចអាធ័មនៅនឹងកន្លែងកើតហេតុ។ភ្លាមនោះរថយន្តបង្កមិនបានឈប់នៅកន្លែងកើតហេតុនោះទេបានព្យាយាមបើករត់គេចខ្លួនបាត់ស្រម៉ោល។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុករង់ចាំគាត់ជូនសាច់ញាតិវិញ។ដោយឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅស្រុកកំណើតធ្វើបុណ្យតាមប្រពៃណី៕
