ភ្នំពេញ: រថយន្តស៊េរីទំនើបម៉ាកTOYOTA HILUX REVOមួយគ្រឿងបោះពួយជ្រុលទៅបុកបង្គោលភ្លើងបំភ្លឺផ្លូវមួយដើមបាក់ដួលរលំដល់ដី ឯរថយន្តកល់ជាប់ទៅមុខលែងរួច សំណាងល្អមិនបង្កឲ្យមានអ្នករងរបួស។
ហេតុការណ៍នេះកើតឡើងកាលពីវេលាម៉ោង០៩ និង ២០ នាទីយប់ថ្ងៃទី ២៩ ខែសីហាឆ្នាំ ២០២១ នៅក្បែរ ប៉ុស្តី៍ទីស្នាក់ការសង្កាត់ទួលសង្កែទី២ តាមបណ្តោយផ្លូវ ១៨០០ ក្នុងទួលសង្កែទី២ ខណ្ឌឫស្សីកែវរាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តស៊េរីទំនើបម៉ាកTOYOTA HOLUX REVOមួយគ្រឿងពណ៌សពាក់ស្លាកលេខនគរបាល2-0148ធ្វើដំណើរតាមបណ្ដោយផ្លូវ ១៨០០ ទិសដៅពីត្បូងទៅជើង លុះមកដល់ចំណុចកើតហេតុខាងលើបានរេចង្កូតមកខាងស្ដាំដៃជ្រុលទៅបុកបង្គោលភ្លើងបំភ្លឺផ្លូវមួយដើមពេញទំហឹងបណ្ដាលឲ្យបាក់ដួលរាបដល់ដី ឯរថយន្តកល់ជាប់ទៅមុខលែងរួច។
ក្រោយកើតខេត្តសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាតាមផ្លូវច្បាប់៕
