រថយន្តពាក់ស្លាកលេខនគរបាលបេីកត្រឡប់ក្រោយត្រូវម៉ូតូបុកបណ្ដាលឲ្យបុរសម្នាក់ដួលរងរបួសធ្ងន់

ភ្នំពេញ: រថយន្តវីហ្គោមួយគ្រឿង ពាក់ស្លាកលេខនគរបាល បិតឡូហ្គោ POLICE បេីកបរដោយបុរសម្នាក់ បត់ត្រឡប់ក្រោយមិនប្រយ័ត្នត្រូវបានបុរសម្នាក់ជិះម៉ូតូមកក្រោយលឿនចាប់ហ្វ្រ័ងមិនទាន់ដៃជ្រុលទៅបុកប៉ះនិងស្ពាល់រថយន្តខាងមុខផ្នែកខាងឆ្វេងបណ្ដាលឲ្យដួលបោកទៅនិងថ្នល់រងរបូសធ្ងន់។

ហេតុការណ៍នេះបានកើតឡើងកាលពីវេលាម៉ោង១០ និង២០ នាទីយប់ថ្ងៃទី២៦ ខែសីហាឆ្នាំ២០២១ នៅចំណុចមុខផ្សារសិនជូរី តាមបណ្តោយមហាវិថីសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញខណ្ឌ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តម៉ាក វីហ្គោ ពណ៌ខ្មៅពាក់ស្លាកលេខនគរបាល2-8058 បិតឡូហ្គោ POLICE ធ្វើដំណើរតាមបណ្តោយមហាវិថីសហព័ន្ធរុស្ស៊ីទិសដៅពីកើតទៅលិច លុះមកដល់ចំណុចកើតហេតុខាងលើ បានបតឆ្វេងដៃ ត្រឡប់ក្រោយវិញដោយមិនបានបើកភ្លើងសុីញ៉ី ខណ:នោះមានបុរសម្នាក់ជិះម៉ូតូម៉ាកឌ្រីមសង់ស៊េរីឆ្នាំ២០១៨ ពណ៌ខ្មៅពាក់ស្លាកលេខព្រៃវែង1M-5971ធ្វើដំណើរមកវិញក្រោយលឿនចាប់ហ្វ្រ័ងមិនទាន់ជ្រុលដៃចង្កូតទៅប៉ះនឹងស្ពាល់រថយន្តខាងមុខផ្នែកខាងឆ្វេងបណ្ដាលឲ្យដួលបោកទៅថ្នល់រងរបួសធ្ងន់។
ភ្លាមនោះជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែក អ្នកបើកបររថយន្តស្លាកលេខនគរបាល បានបើករថយន្តតាមរថយន្តសង្គ្រោះទាន់ទៅដល់មន្ទីរពេទ្យដើម្បីទៅមើលជនរងគ្រោះ។

ក្រោយកើតហេតុសមត្ថកិច្ចមូលដ្ឋានបានចុះមកដល់ទំនាក់ទំនងទៅសមត្ថកិច្ចជំនាញចុះមកដល់មន្ទីរពេទ្យមើលជនរងគ្រោះ ដើម្បីងាយស្រួលឲ្យភាគីទាំងពីរធ្វើការសម្របសម្រួលគ្នាបន្តដើម្បីបញ្ចប់រឿងនៅនឹងកន្លែងកើតហេតុ៕