ទាំងព្រឹកមានរឿងអ្វី Zone ប្រកាសហៅរកតារាចម្រៀងឆាយ និយម តេក៏មិនលើក ឆាតក៏មិនតប!
ផលិតកម្មZone បានធ្វើអោយហ្វេនៗ ក៏ដូចជាមហាជន ទទួលស្គាល់ថា ជាផលិតកម្មកំពុងបោះជំហ៊ានទៅរកភាពជោគជ័យ ព្រោះឃើញមានចរាចរណ៍ ចេញចម្រៀងថ្មីប្លែកបន្តបន្ទាប់។ ថ្មីៗនេះផលិតកម្មបាន ធ្វើអោយគេចាប់អារម្មណ៍ ទៀត ព្រោះតែបានប្រកាសរក តារាចម្រៀងម្នាក់ដោយ បង្ហោះរូបហើយលើកហេតុផលថា បាត់ទៅណាតេក៏មិនលើក។
លោកឆាយ និយមជាតារាចម្រៀងម្នាក់ប្រចាំផលិតកម្មហ្សូន ដែលបានបំពេញការងារក្នុងទ្រនំនេះ។លោកបានចេញនូវចម្រៀងមួយចំនួន ដែលបានខាងផលិតកម្មរៀបចំចាត់ចែងជូន។ ម្នាក់ៗមានការតាមដានខណៈ គេបានឃើញហ្សូន ផុសរូបតារាម្នាក់នេះ ដោយប្រាប់ថា តារាប្រុសរូបនេះនៅទីកន្លែងណា តេក៏មិនលើកឆាតក៏មិនតប។ លេងស្ទីលសុទ្ឋតែបង្ហោះបែបនេះ ខ្លះសន្និដ្ឋាន ប្រហែលជាមានរឿងជាមួយគ្នា បានជាខាងផលិតកម្មធ្វើបែបនេះ។
គេរង់ចាំមើលថា ដើមចមហេតុផល ជារឿងអ្វី ដែលបង្កទៅជា សភាពបែបហ្នឹង ហើយអ្នកគាំទ្រក៏ចង់ដឹង ណាស់ថា អ្វីអោយប្រាកដដែល ផ្ទុះឡើងនេះ ព្រោះម្នាក់ៗ មានការងឿងឆ្ងល់យ៉ាងចម្លែក ៕
