ខេត្តបាត់ដំបង ៖ លោកអធិការនគរបាលស្រុកសង្កែ បានទទួលបណ្តឹងតាមទូរស័ព្ទ នៅថ្ងៃ ទី៣០ ខែមេសា ឆ្នាំ ២០២១ វេលាម៉ោង០៨និង០០នាទី ពីលោកនាយកសាលាបឋមអូរដំបង ឈ្មោះ ចាន់ វុទ្ធី ភេទប្រុស អាយុ ៣៩ឆ្នាំ រស់នៅភូមិវត្តតាមិម ឃុំអូរដំបង១ ស្រុកសង្កែ មានករណីលួចយកសម្ភារៈក្នុងសាលាបឋមអូរដំបង ដែលកេីតឡេីង ដោយជនមិនស្គាល់អត្តសញ្ញាណ កាលពីថ្ងៃទី២៩ ខែមេសា ឆ្នាំ ២០២១ វេលាម៉ោង១៥និង០០នាទី។
លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានអោយដឹងថា ក្រោយពីទទួលបណ្តឹងពីលោកនាយកសាលាបឋមអូរដំបងខាងលេី កម្លាំងនគរបាលស្រុកបានចេញប្រតិបត្តិការស្រាវជ្រាវ និងស៊េីបអង្កេតរកមុខសញ្ញា ហើយកំណត់បាននិងធ្វើការឃាត់ខ្លួនជនសង្ស័យម្នាក់ ឈ្មោះ អ៊ូ ប៊ូណា ភេទប្រុស អាយុ ២៩ឆ្នាំ រស់នៅភូមិវត្តតាមិម ឃុំអូរដំបង១ ស្រុកសង្កែ ។
ជាលទ្ធផលសមត្ថកិច្ចបានដកហូតសម្ភារៈដែលលួចបានរួមមាន កង្ហាព្យួរ ចំនួន ២គ្រឿង, ខ្សែរភ្លើង ចំនួន ៣ដុំ និងអំពូលភ្លើង ចំនួន ១០គ្រាប់។
ករណី នេះ កម្លាំងនគរបាលស្រុកកំពុងកសាងសំណុំរឿងបញ្ជូនទៅសាលាដំបូងខេត្ត បាត់ដំបង ដើម្បីអនុវត្តបន្តទៅតាមផ្លូវច្បាប់៕
