បុរសម្នាក់ ឃើញយប់ស្ងាត់ ដើរទាក់ ឆ្កែ ត្រូវសមត្ថកិច្ច ឃាត់ខ្លួន

ភ្នំពេញ ៖ កម្លាំងអន្តរាគមន៍ខណ្ឌមានជ័យបានធ្វើការឃាត់ខ្លួនបុរសម្នាក់ដែលធ្វើសកម្មភាពទាក់សុនខ (ឆ្កែ) របស់ប្រជាពលរដ្ឋ កាលពីម៉ោង១ឈានចូលថ្ងៃទី២៧មេសានេះ ស្ថិតនៅភូមិ ៥ ក្បែរស្ពានអាកាសស្ទឹងមានជ័យ។

សមត្ថកិច្ចបានធ្វើការឆែកឆេរខ្លួនជនសង្ស័យ និងដកហូតបានដែកមួយដើមជាប្រភេទដែកសរសៃ ដែលជនសង្ស័យប្រើប្រាស់សម្រាប់វ៉ៃទៅលើសត្វឆ្កែ។

ក្រោយពេលកើតហេតុសមត្ថកិច្ចបានបញ្ជូនជនសង្ស័យទៅប៉ុស្តិ៍នគរបាលរដ្ឋបាលស្ទឹងមានជ័យ ២ ដើម្បីធ្វើការសាកសួរនិងចាត់ការទៅតាមនីតិវិធីច្បាប់៕