ភ្នំពេញ ៖ បុរសម្នាក់រងរបួសធ្ងន់ និងបានស្លាប់ពេលបញ្ជូនទៅសង្គ្រោះនៅឯមន្ទីរពេទ្យ ដោយសារ រថយន្តយីឌុបដឹកដី ធុនធំ បុកម៉ូតូអូសជាច្រើនម៉ែត្រ កាលពីព្រឹកថ្ងៃទី១២ ខែមេសា ឆ្នាំ២០២១ ទីតាំងស្ថិតនៅតាមបណ្ដោយផ្លូវ ៣០ម៉ែត្រ ក្នុងភូមិព្រៃកំបុតសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
មុនពេលកើតហេតុគេឃើញបុរសជាជនរងគ្រោះខាងលើ បានធ្វើដំណើរដោយម៉ូតូឌ្រីម ពាក់ស្លាកលេខ កណ្តាល 1B-1556 មួយគ្រឿងដែលក្នុងទីដៅពីកើតទៅលិចរហូតដល់ចំណុចកើតហេតុ ក៏មានរថយន្តយីឌុបដឹកដីធុនធំ ពាក់ស្លាកលេខ កំពង់ចាម 3A-4157 ដែលធ្វើដំណើរក្នុងទិសដៅពីលិចទៅកើត ស្រាប់តែមកដល់ចំណុចកើតហេតុក៏បានបុកគ្នាពេញទំហឹង បណ្ដាលឲ្យបុរសជាជនរងគ្រោះរងរបួសធ្ងន់និងបានស្លាប់ពេលបញ្ជូនទៅសង្គ្រោះនៅឯមន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋាន បានចុះទៅទីតាំងកន្លែងកើតហេតុ និងរាយការណ៍បន្តទៅផ្នែកជំនាញចរាចរណ៍ ចុះវាស់វែងនិងបានយកសម្ភារ:រក្សាទុក ដើម្បីរង់ចាំការដោះស្រាយគ្នានៅពេលក្រោយ៕
