ភ្នំពេញ ៖ ជនសង្ស័យចំនួន២ នាក់ បានធ្វើសកម្មភាពឆក់ការបូបពីនារី ម្នាក់បានសម្រេច កាលពីម៉ោង០៨យប់ថ្ងៃទី២២ ខែមីនាឆ្នាំ ២០២១ នៅចំណុចមុខមន្ទីពេទ្យកុមារជាតិ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ហើយព្យាយាមបើករត់ ត្រូវបានជនរងគ្រោះនិងប្រជាពលរដ្ឋដេញ រហូតមកដល់ផ្លូវ ១១៨ ខាងក្រោយប្រសួងអភិភិវឌ្ឍន៍ ក្នុងសង្កាត់មិត្តភាព ខណ្ឌ៧មករា ទើបឃាត់ខ្លួនបាន។
សមត្ថកិច្ចបានប្រាប់ឲ្យដឹងថាជនសង្ស័យទី១មានឈ្មោះ ដួងចន្ទ័បញ្ញា អាយុ១៧ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ផ្លូវមាត់ទន្លេងសង្កាត់ជ្រោយចង្វារ ខណ្ឌជ្រោយចង្វារ និង ឈ្មោះលៀវ សៀវឡុង អាយុ១៧ឆ្នាំ មុខរបរសិស្សថ្នាក់ទី១២ នៅសាលាឫស្សីកែវ ស្នាក់នៅមិនពិតប្រាកដ ផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឬស្សីកែវ។ ចំណែកជនរងគ្រោះមានឈ្មោះ យៀក គឹមហ្វី ភេទស្រីអាយុ ១៧ឆ្នាំ ស្នាក់នៅបុរីប៉េងហួត ម្តុំច្រមុះជ្រូកស្ទឹងមានជ័យ ខណ្ឌមានជ័យ៕
