ខេត្តកណ្តាល ៖ ជនសង្ស័យ ប្រុសស្រី៤នាក់ ត្រូវបានកម្លាំងប៉ុស្តិ៍ នគរបាលរដ្ឋបាលស្វាយរលំ ឃាត់ខ្លួនបានជាបន្តបន្ទាប់ ពាកព័ន្ធករណី ជួញដូរដោយខុសច្បាប់នូវសារធាតុញៀន កាលពីថ្ងៃទី២១ ខែមិនា ឆ្នាំ២០២១ នៅចំណុចទី១ដីចំការល្មុតភូមិលេខ៣សង្កាត់ស្វាយរលំ ក្រុងតាខ្មៅ ខេត្តកណ្តាល និងនៅចំណុចទី២បន្ទប់ជួលរបស់ឈ្មោះថិ រត្ថាភូមិលេខ៣ សង្កាត់ស្វាយរលំ ក្រុងតាខ្មៅ ខេត្តកណ្ដាល។
នៅចំណុចទី៣បន្ទប់ជួលរបស់ឈ្មោះជា ប៊ុនឡេង ភូមិលេខ២ សង្កាត់ស្វាយរលំ ក្រុងតាខ្មៅ ខេត្តកណ្ដាល។
សមត្ថកិច្ចបានអោយដឹងថា ជនសង្ស័យ ទាំង៤នាក់ ទី១. ឈ្មោះថិ រត្ថា ភេទប្រុស អាយុ៣៣ឆ្នាំមុខរបរ មិនពិតប្រាកដ ទីលំនៅបច្ចុប្បន្នផ្ទះជួល ភូមិលេខ៣ សង្កាត់ស្វាយរលំ ក្រុងតាខ្មៅ ខេត្តកណ្តាល(ឃាត់ខ្លួន)។ទី២/ឈ្មោះសឿង ចិត្រា ភេទប្រុស អាយុ២៧ឆ្នាំ ទីលំនៅ បច្ចុប្បន្នភូមិលេខ៣ សង្កាត់ស្វាយរលំ ក្រុងតាខ្មៅ ខេត្តកណ្តាល(ឃាត់ខ្លួន)។ទី៣/ឈ្មោះជា ប៊ុនឡេង ភេទប្រុស អាយុ២៩ឆ្នាំ
មុខរបរ មិនពិតប្រាកដ ទីលំនៅបច្ចុប្បន្នភូមិលេខ២ សង្កាត់ស្វាយរលំ ក្រុងតាខ្មៅខេត្តកណ្តាល(ឃាត់ខ្លួន)។និងទី៤/ឈ្មោះសៅ គន្ធា ភេទស្រី អាយុ៣១ឆ្នាំ ទីលំនៅបច្ចុប្បន្នផ្ទះជួលភូមិលេខ២ សង្កាត់ស្វាយរលំ ក្រុងតាខ្មៅខេត្តកណ្តាល(ឃាត់ខ្លួន)។
វត្ថុតាងចាប់យក ៖ ម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក)ចំនួន២០កញ្ចប់(ធំ០៦កញ្ចប់ តូច១៤កញ្ចប់)។–ម៉ូតូ០១គ្រឿងម៉ាកHONDA SL បិទពណ៌ខ្មៅគ្មានផ្លាកលេខ។–ទូរស័ព្ទចំនួន០៤គ្រឿង(ម៉ាកoppo ពណ៌សចំនួន០១,ម៉ាកVIVO ព៌ណផ្ទៃមេឃ,និងម៉ាកNOKIA អ៊ិនចុចពិល ចំនួន០២គ្រឿង ពណ៌ទឹកប៊ិចនិងពណ៌ខៀវ)។
នៅចំពោះមុខសមត្ថកិច្ចជនសង្ស័យទាំងអស់បានឆ្លើយសារភាពថាថ្នាំញៀននេះពិតជារបស់ឈ្មោះថិ រត្ថាដែលបានយកមកលក់អោយពួកខ្ញុំដើម្បីយកលក់បន្តពិតប្រាកដមែន។
ចំពោះជនសង្ស័យ ព្រមទាំងវត្ថុតាងត្រូវបានយកមកអធិការដ្ឋាននគរបាលក្រុងតាខ្មៅដើម្បីកសាងសំណុំរឿងចាត់ការតាមនីតិវិធីច្បាប់៕
