ការប្រកួតកម្មវិធី «Beat The Best» កាន់តែឈានដល់វគ្គ ប្រកួតក្តៅឡើងៗ ហើយមហាជន បានទស្សនាការប្រកួត ពីមួយ អាទិត្យទៅមួយអាទិត្យ ក៍ឃើញថា បេក្ខភាពនីមួយៗ សុទ្ឋតែយល់ថា ល្អម្យ៉ាងម្នាក់ពិបាកសម្រេចចិត្ត។ ម្ល៉ោះហើយរដូលកាលនេះ អ្នកមកប្រកួតសុទ្ឋតែ ជាជើងខ្លាំងហើយមានបទពិសោធន៍ យល់ដឹងពីរបៀបច្រៀងជាច្រើនគ្នា តាមការសម្គាល់ឃើញ។យ៉ាងណាមិញ កញ្ញា អ៊ី ម៉ារីណែត បានសាងភាពចាប់អារម្មណ៍ ពីកម្មវិធីប្រឡងមួយនេះ ដោយនាងបានធ្វើអោយ គណៈកម្មការទាំង៤ សរសើរព្រមៗគ្នា ក្រោយបង្ហាញសំនៀង ច្រៀងបទ«ជំនោរវិច្ឆិកា» ដែលជាបទសម្តេចតា ហើយប្រើប្រាស់សំឡេងបែបកូរ៉ាល់ ឬអួប៉េរ៉ា បានល្អ។ នេះជាអ្វីដែលនាង បានហាត់រៀនហើយ បង្ហាញលទ្ឋផលចេញមក ពិតជាសាកសម បំផុត។ សូម្បីតែគណៈមេប្រយោគ វាយតម្លៃទាំង៤រូប ក៍មិននឹកស្មានថា ម៉ារីណែត មានសមត្ថភាពហ៊ានលើកយកបទ ពិបាកច្រៀងមកបង្ហាញ។
យ៉ាងណាមិញ អ៊ី ម៉ារីណែត បានឆ្លងកាត់ អាជីពច្រៀងច្រើនគួរសម ដោយនាងជាអ្នកចម្រៀង តាមវង់តន្ត្រីភ្លេងការ និងជប់លៀងផ្សេងៗ។ នាងក៍ឆ្លងកាត់ការច្រៀង ប្រចាំតាមហាង និងផប់ ផ្សេងៗ ដែលជាទុនបទពិសោធន៍ មានការយល់ដឹងច្រើន។ ការតស៊ូលើសិល្បៈ របស់នាង កំពុងតែមានសញ្ញាល្អ ហើយរំពឹងថា ការប្រឡងនេះនាងនឹង ច្នៃខ្លួនឯង អោយកាន់តែមាន អ្នកតាមមើក កត់សម្គាល់ខ្លាំងជាងនេះ។ ទស្សនា ការច្រៀង និង វាយតម្លៃពីគណៈកម្មការទាំង៤ រូបពេលប្រឡង បឋមដូចតទៅ៖
