រថយន្តកាមរីហាយប្រ៊ីដពន្លះរបាំងថ្មពុះចែកទ្រូងផ្លូវក្រឡាប់ផ្ងារជេីងទ្រមេឃ

ភ្នំពេញ ៖ រថយន្តកាមរីហាយប្រ៊ីដមួយគ្រឿងម្ចាស់បេីកបរក្នុងល្បឿនលឿនមិនប្រយ័ត្នរេចង្កូតទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឱ្យក្រឡាប់ផ្ងារជេីងច្រងាង ៗ សំណាងល្អមិនមានមនុស្សរងរបួស ។ហេតុការណ៍ នេះបានកេីតឡេីងកាលពីវេលាម៉ោង១រំលងអធ្រាត្រ ឈានចូលថ្ងៃទី ២៣ ខែតុលា ឆ្នាំ ២០២១ នៅក្បែរស្តុបបូកគោ តាមបណ្ដោយផ្លូវម៉ៅសេទុង កែងផ្លូវលេខ១០៥ ក្នុងសង្កាត់សង្កាត់បឹងត្របែក ខណ្ឌចំការមន រាជធានីភ្នំពេញ ។

យោងតាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុ គេឃេីញរថយន្តម៉ាក កាមរីហាយប្រ៊ីដ ពណ៌ស ពាក់ស្លាកលេខ ភ្នំពេញ 2AE-8191បើកបរតាមបណ្ដោយផ្លូវម៉ៅសេទុង ពីលិចទៅកេីតក្នុងល្បឿនលឿន ខណៈមកដល់ចំណុចកេីតហេតុក៏ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរថយន្តបង្កក្រឡាប់ផ្ងារជេីងទ្រមេឃ រីឯរបាំងថ្មខូចខាតអស់ពីរផ្ទាំង ។ ខណៈនោះក៏ឃេីញមានមនុស្សប្រុស៣នាក់ និងស្រីម្នាក់លូនចេញពីក្នុងរថយន្ត ដោយមានរងរបួសស្រាល ។
ក្រោយកេីតហេតុ អ្នកបើករថយន្តបង្កនិងអ្នករួមដំណេីរបានចាកចេញពីកន្លែងកេីតហេតុ ដោយទុករថយន្តឲ្យសមត្ថកិច្ចជំនាញធ្វេីការវាស់វែងយកទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយនាពេលក្រោយ ៕