ដំណើរជីវិត របស់ តារាចម្រៀងម្នាក់ៗ មិនដែលអាចនិយាយថា ស្រួលនោះឡើយដើម្បីធ្វើយ៉ាងណា អោយពន្លឺជីវិតមាន។ យ៉ាងណាមិញ លោកខាន់ ប្រុសពៅ ហៅBoy ក៍ពុះពារមកជាយូរមកហើយ ក្នុងវិថីសិល្បៈមុនឡើងដល់ចំនុចហ្នឹងធឹង ដូចសព្វថ្ងៃ។
តារាប្រុស រូបស្រស់សង្ហា លោកប៊យ បានដំណើរការលើ ជីវិតជាតារាអស់ជាច្រើនឆ្នាំ ដោយលោកបាន ច្រៀងពីដំបូងៗ បានប្រាក់តែ៥ដុល្លារ ពីអាហ្វែការ មុនមានគេស្គាល់។ ហែលផង ខំផង ទើបយីអ៊ុនមាន ក៍ចាប់ផ្តើម ឡើងហាងឆេង មកច្រៀងតាមហាង និងក្លិបល្អៗ ដែលតារាម្នាក់នេះ កាន់តែមានជំនឿចិត្តលើ អាជីព។ លោករមែង បានមិត្តភក្តិ អ្នកស្គាល់ជិតដិត លើកទឹកចិត្ត អោយតស៊ូ លើអាជីព គង់តែមានថ្ងៃណាមួយ មានឱកាសមហាជន បានស្គាល់ទូលំទូលាយ។
នៅទីបំផុត ខាន់ ប្រុសពៅ ហៅ ប៊យ បានក្លាយជា សមាជិកចម្រៀង ក្រុមថ្មីមួយ មានឈ្មោះថា FMD boy ប្រចាំក្រុម Film Medai ដែលជាក្រុមប្រុសរូបសង្ហាៗ និងផ្តើមវាយលុកលើវេទិកាចម្រៀង បណ្តើរៗ។ នេះជាពិន្ទុថ្មីមួយទៀត ដែល លោកប៊យអាចធ្វើបាន ហើយពង្រីកស្នាដៃការងារអោយកើនឡើង ទៀត។
