កញ្ញា ប៉ូគីមថេង សុតធីតា ជាបេក្ខនារីដែលមាន ប្រវត្តិប្រកួត បវរកញ្ញា បានជាច្រើនកម្មវិធី និងទទួលបានជ័យលាភីមួយចំនួនដែរ។ ចុងក្រោយនេះ ធីតា បានសម្រេចចិត្តមកដាក់ពាក្យប្រកួត នៅក្នុងកម្មវិធីMiss Grand Cambodia 2021 ដោយសារតែចង់មើលឃើញពីលទ្ឋផល នៃការប្រឡងមានភាពប្រែប្រួលបែបណា ទើបនាងសម្រេចចិត្តវិល មកកាន់វេទិកាសម្រស់ម្តងទៀត។
បើក្រឡេកមើលពីមុន សុតធីតា ក៏ធ្លាប់ជាអតីតម្ចាស់ម្កុដក្នុងកម្មវិធីបវរកញ្ញាទេសចរណ៍ពិភពលោក ចំណាត់ថ្នាក់លេខ៣ នៅប្រទេសចិន និងជា បវរកញ្ញាចក្រវាលលេខ៤ដែល មហាជនចាប់អារម្មណ៍។ ជាប់ខ្លះ ធ្លាក់ខ្លះ មិនមែនបរាជ័យរហូតទេ អរគុណច្រ ដែលស្រីស្អាតរូបនេះ នៅតែបោះជំហ៊ានចង់ប្រឡូកដើម្បី អោយមហាជនកាន់តែស្គាល់។ ស្របពេលវិស័យបវរកញ្ញា នៅកម្ពុជានាពេលនេះផ្ទុះការ ទាក់ទាញផង ទើបជម្រុញចិត្តអោយនាងកាន់តែចង់ ប្រើសមត្ថភាពប្រឡងសារជាថ្មីឡើងវិញ។
ប៉ូគឹមថេង សុតធីតា ក្នុងពេលប្រឡងលើកនេះ នាងតំណាងអោយខេត្តបាត់ដំបង ហើយត្រូវប្រើភាពឆ្លាតវៃ អោយច្រើន តាមវិញ្ញាសាដើម្បីប្រជែងរកភាពលេចធ្លោ។ ចាំមើលថាតើ ស្រីស្អាតមួយរូបនេះ ដែលមានគ្រឹះលើវិស័យប្រឡងធ្វើល្អ ទាក់ចិត្តមហាជន បានដល់កម្រិតណាឬ អាចលេចធ្លោ ដូចលីវ ជីលីបានដែរឬយ៉ាងណា។ ហ្វេនៗជាច្រើនក៍លើកឡើងថា នាងអាចលើកមកុដ តែក៍នៅបាំងជើងខ្លាំងផ្សេងៗទៀត មិនអាចបណ្តោយឡើយ។
