ភ្នំពេញ: ប្រជាពលរដ្ឋប្រទះឃើញបុរសម្នាក់អង្គុយរួចយកសំបកកំប៉ុងភេសជ្ជៈខារ៉ាបាវមកអាករខ្លួនឯង បណ្តាលរបូសហូឈាម ត្រូវបានបងប្អូនប្រជាពលរដ្ឋរាយការណ៍ហៅសមត្ថកិច្ចចុះជួយអន្តរាគមន៍កាលពីវេលាម៉ោង១១ និង១០ នាទីយប់ថ្ងៃទី២ ខែកញ្ញា ឆ្នាំ២០២១ នៅជាប់ស្ពានអាកាសផ្សារដីហុយ តាមបណ្ដោយផ្លូវសហព័ន្ធរុស្ស៊ី ក្នុងសង្កាត់ទឹកថ្លាខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឱ្យដឹងថាមុនកើតហេតុប្រជាពលរដ្ឋធ្វើដំណើរតាមដងផ្លូវក៏ប្រទះឃើញបុរសខាងលើកំពុងអង្គុយនៅចំណុចទីតាំងកន្លែងកើតហេតុខាងលើរួចយកសំបកកំប៉ុងភេសជ្ជៈខារ៉ាបាវមកអារកខ្លួនឯងបណ្ដាលឱ្យមុតហូរឈា របួសស្រាលត្រូវបានបងប្អូនប្រជាពលរដ្ឋឃើញរាយការណ៍ជូនសមត្ថកិច្ចចុះទៅអន្តរាគមន៍ទាន់ពេលវេលា។
ក្រោយកើតហេតុសមត្ថកិច្ចមូលដ្ឋានចុះមុខសួរនាំរួចឱ្យជនរងគ្រោះឡើងលើរថយន្តគ្រោះមិនទាន់ដើម្បីទៅសង្គ្រោះនៅឯមន្ទីរពេទ្យតែជនរងគ្រោះមិនព្រមទៅ ហើយនិយាយស្ដីអ្វីជាមួយសមត្ថកិច្ចនោះទេរួចជនរងគ្រោះបានធ្វើដំណើរតទៅមុខទៀតបាត់៕
