តារាចម្រៀង ជួន អមរិទ្ឋ បាននឹងកំពុងក្លាយជាសមាជិកមួយរូប របស់ក្រុមចម្រៀងFilm Medai ដែលប្រមូលផ្តុំដោយ តារាចម្រៀងប្រុសស្រីល្អៗ នៅក្នុងនោះ។ ជាមួយឱកាសបានក្លាយជាក្រុមការងារ ទាំងជួន អមរិទ្ឋ និងតារាចម្រៀងផ្សេងទៀត បានតាំងចិត្តថានឹងធ្វើអោយបានល្អក្នុង ការច្បាមយកភាពលេចធ្លោ។
បណ្តាតារាចម្រៀង ដែលមានឈ្មោះនៅក្នុងក្រុម មាន ជួន អមរិទ្ឋ កញ្ញាGimev កញ្ញា ចិន យ៉ាទី លោក គីម មីនយុន កញ្ញាអ៊ុ ម៉ារីណែត កញ្ញា សុិនសៀវមុី ក្រុមចម្រៀង FMD Boy និងកញ្ញាលៀក សីហា។ តារាទាំងនោះអាចច្រៀង បានទាំងសម័យ និងបុរាណ ខ្លះចេះច្រៀងបែប ចង្វាក់ផប។ ក្រុមរបស់ តារាទាំងនេះ បានធ្លាប់បង្ហាញសមត្ថភាព នៅតាមបណ្តាឆាកតន្ត្រី លើកញ្ចកទូរទស្សន៍ និងនៅតាមក្រុមហ៊ុននានាជាញឹកញាប់ សុទ្ឋតែមានការពេញចិត្តពីម្ចាស់កម្មវិធី។
លោក ជួន អមរិទ្ឋ បានលើកឡើងថា ក្រុមចម្រៀងយើង មានធនធានសិល្បៈ តាមទម្រង់ទាំងអស់ហើយ បានសម្ងំកសាងស្នាដៃ បានច្រើនគួរសមទាក់ទិនការថតចម្រៀង។ ឆាប់ៗនេះយើងមានចម្រៀងមួយ ចំនួនថតបង្ហាញ ចេញនៅលើទីផ្សារ។ អ្វីដែលអាចធ្វើបាន មានតែការខិតខំ រួមដៃគ្នាអោយបានល្អសម្រាប់ការ វាយលុកទីផ្សារតទៅទៀត។ ឆាប់ៗនេះ ឆាណែល ហ្វៀល មីឌារ នឹងចេញអឹម វីថ្មីរបស់ ម៉ារីណែត ហើយក៍មានបង្កើតជាក្រុមចម្រៀង មានផ្នែកបុរស និងនារីដើម្បីអោយប្លែក តទៅមុខទៀត។
