ប៉េកាំង៖ លោក Kris Wu ដែលជាតារាចម្រៀង និងជាតារាសម្ដែងរបស់ចិន ពេលនេះត្រូវបានប៉ូលីសប៉េកាំងសម្រេចចាប់ខ្លួនហើយនៅថ្ងៃទី ១៦ ខែសីហា ឆ្នាំ២០២១ ពីបទរំលោភបំពានផ្លូវភេទ និងការ គំរាមកំហែងទៅលើនារីជាច្រើននាក់ បន្ទាប់ពីប៉ូលិសបានឃាត់ខ្លួនអស់រយៈពេល២សប្តាហ៍កន្លងមក ។
មហាជននាំគ្នាភ្ញាក់ផ្អើលដែលធ្វើឲ្យកក្រើកខ្លាំងពេញពិភពសិល្បៈចិនបន្ទាប់ពីអ្នកលេងអ៊ីនធើណិតម្នាក់ឈ្មោះ Du Meizhu បានចោទថា លោក Kris Wu បានហៅនារីៗដែលជាជនរងគ្រោះជាច្រើនមកសម្ភាសន៍នៅផ្ទះរបស់លោក ហើយក្រោយមកបានបង្ខំពួកគេឲ្យរួមភេទជាមួយ ។ រហូតដើមខែសីហា ទើបក្រុមការងារមានសមត្ថកិច្ចឈានដល់ការដែលត្រឹមឃាត់ខ្លួន Kris Wu និងចុងបញ្ចប់បានសម្រេចចេញដីកាចាប់ខ្លួនជាផ្លូវការ ។
បើទោះបីយ៉ាងណាក្តីហ្វែនៗនិងមហាជនអ្នកគាំទ្រមួយចំនួនសម្តែងនូវការសោកស្តាយបន្ទាប់ពីមាន ករណីនេះកើតឡើងចំពោះតារាក្នុងដួងចិត្តរបស់ខ្លួន ខណៈអ្នកមួយចំនួនទៀតរងចាំមើលថាតើករណី នេះនឹងទៅជាយ៉ាងណាទៀត ៕
