ភ្នំពេញ៖ កូនស្រីទី២របស់ឯកឧត្ដមហ៊ុន ម៉ាណែត និងលោកជំទាវ ពេជ ចន្ទមុន្នី គឺកុមារី ហ៊ុន ពេជមុន្នីលីណា ជាចៅស្រីសំណព្វចិត្តសម្តេចតេជោ ហ៊ុន សែន នាយករដ្ឋមន្ត្រីកម្ពុជា មិនត្រឹតតែស្អាត ឆ្លាត និងគួរឲ្យស្រលាញ់នោះទេថែមទាំងពូកែថែមទៀតផង ដោយបានគូររូបលោកតារបស់ខ្លនយ៉ាងស្រស់ស្អាត ដោយភ្ជាប់ជាមួយសារជូនពរ ប្រកដោយអត្ថន័យយ៉ាងជ្រាលជ្រៅជា ៣ ភាសា មានភាសាខ្មែរ អង់គ្លេស និងចិន ក្នុងឱកាសខួបកំណើតរបស់លោកតា ។
កន្លងមកគេសង្កេតឃើញថា កូនស្រីទី២ របស់ឯកឧត្ដម ហ៊ុន ម៉ាណែត និងលោកជំទាវ ពេជ ចន្ទមុន្នី គឺកុមារី ហ៊ុន ពេជមុន្នីលីណារូបនេះ តែងដណ្ដើមបានតំណែងកំពូលតារាងកម្មវិធីប្រកួតប្រជែងសមត្ថភាពផ្នែកគណិតវិទ្យា ប្រចាំតំបន់អាស៊ី (Asia’s Top 100 Students) និងកម្រិតពិភពលោក (World Top 100 Students)។ ពោលកុមារីរូបនេះ ធ្លាប់ឈ្នះពានរង្វាន់ជាច្រើនផ្នែកគណិតវិទ្យាជូនដល់គ្រួសារ និងប្រទេសកម្ពុជា ។
សូមជម្រាបថា នៅថ្ងៃទី៥ ខែសីហា ឆ្នាំ២០២១នេះជាថ្ងៃដ៏មង្គលសួស្ដីប្រពៃថ្លៃថ្លាបំផុតរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលជាថ្ងៃគម្រប់ខួបកំណើតជន្មាយុគម្រប់៦៩ ឈានចូល៧០ឆ្នាំ (៥ សីហា ១៩៥២ – ៥ សីហា ២០២១) ៕
