តារាសម្តែងនិយមតែងកាយ ជាស្រី លោក គន់ រៀមរតនៈ ហៅចែរ៉ូហ្សា ស្រាប់តែចេញគម្រោងក្នុង គំនិតខ្លួនឯងយូរមកហើយ ដោយមិនដឹងថាអាចសម្រេចបានឬយ៉ាងណា។ តារារូបនេះមានចិត្តប៉ងយូរមកហើយថា បើសិនជាលោកមានធនធាន ល្មមនោះលោក នឹងអញ្ជើញតារាភាពយន្ត តារាសម្តែង និងអ្នកចម្រៀងជើងចាស់ធ្លាប់ល្បីឈ្មោះ បានជួបចាស់ទុំ ញាតិក្នុងភូមិ នៅខេត្តព្រៃវែងព្រោះអ្នកស្រុកលោក រមែងប្រើពាក្យថាចង់ឃើញតារាទាំងនោះ។
តារាជើងចាស់ ដែលបានធ្វើអោយភូមិនៅស្រុកកំណើតរបស់ ចែរ៉ូហ្សា នឹករលឹកហើយចង់ជួប មានដូចជា លោកទេព រិនដារ៉ូ អម្ពរ ទេវី ប៉ែន សុផានី ចាន់ តារាទី ហុឹម សុីវន ណយ វណ្ណនេត ចន ចន្ទ័លក្ខិណា នាយកុយ នាយក្រឹម ចាប ចៀនជាដើម។ លោកតាលោយាយ នៅទីនោះ អោយតែចែ រ៉ូហ្សា បានទៅលេងស្រុក និង យកអំណោយជូនម្តងៗ រមែងរំអុកអោយលោក ជួយរកតារាទាំងនោះ មកលេងស្រុកតាមកម្មវិធីបុណ្យទានម្តង ម្នាក់ៗចង់ឃើញ រូបពិតសំឡេងពិតនៅខាងក្រៅម្តង ខណៈធ្លាប់តែដឹងឭតាមរយៈ កញ្ចក់ទូរទស្សន៍ ឬខ្សែរឿងប៉ុណ្ណោះ។
យ៉ាងណាមិញ ចែ រ៉ូហ្សា ឯណេះវិញបានចិញ្ចឹមចិត្តថា បើសិនជាពេលណាមាន ធនធានគ្រប់គ្រាន់ នោះខ្លួននឹង អញ្ជើញតារាចាស់ទុំ ទាំងនោះ អោយបានមកដល់ស្រុកខ្លួន អោយបានញាតិឬអ្នកក្នុងភូមិបានស្គាល់ម្តង។ ពួកគាត់ចូលចិត្តតារាទាំងនោះណាស់ចង់ ស្គាល់ចង់ឃើញដោយខ្លះឃើញតែតាម ទូរទស្សន៍។ លោកដឹងថាការអញ្ជើញបែបនេះ ខាតពេលពួកគាត់ តែបើមានលក្ខខណ្ឌណាមួយល្អ លោកពិតជាអញ្ជើញអោយទាល់តែបានបើហៅទៅទទេរៗ គឺខ្លាចចិត្តទើបគិតថាមិនហ៊ានឡើយ។
