មហាជនជាទូទៅបានស្គាល់ហើយតារាភេទទី៣ របស់ថៃឈ្មោះ Sitang Bua Tong មហាជនធ្លាប់បានស្គាល់ថា យាយគ្រវីសក់ ដែលថ្មីនេះតារូបនេះបានសម្រេចចិត្តកែសម្ផស្សរបស់ខ្លួន ឲ្យមានសម្រស់ស្រស់ស្អាតជាងមុន ដើម្បីជាទំនុកចិត្តកាន់តែខ្ពស់សម្រាប់ខ្លួនឯងនៅចំពោះមុខអ្នកទស្សនា និងអ្នកគាំទ្រ ។
យាយគ្រវីសក់បានបា្រប់អ្នកសារព័ត៌មាននៅនៅថ្ងៃទី២២ ខែមិថនា ឆ្នាំ២០២១ថា រូបនាងបានបំពេញតាមក្តីស្រមៃរបស់ខ្លួនហើយ ដែលបានកែសម្ផស្ស និងមុខមាត់របស់ខ្លួន ។ ប៉ុន្តែការវះកាត់កែសម្ផស្សនេះទើបតែបាន៥០ % តែប៉ុណ្ណោះនោះទេ ត្រូវកែបន្ថែម៥០ %ទៀតនៅកន្លែងសំខាន់ៗក្នុងនោះរួមមាន ការវះកាត់យកឆ្អឹងខ្ចីនៅពីក្រោយត្រចៀកមកធ្វើច្រមុះព្រោះរូបនាងមិនចង់ដាក់ស៊ីលីកូននោះទេ ។ លើសពីនេះនាងត្រូវធ្វើការវះកាត់កែទម្រង់ថ្ងាស់ និងស្បែកមុខកុំឲ្យយាធ្លាក់ ។
បើតាមការគ្រោងទុក ការកែសម្ផស្សរបស់តារាភេទទី៣ថៃ Sitang Bua Tong ឬហៅថាយាយគ្រវីសក់ នឹងត្រូវធ្វើការវះកាត់រួចរាល់នៅក្នុងខែកក្កដាខាងមុខនេះ ។ ទន្ទឹមនឹងនេះរូបនាងបានត្រៀមខ្លួនរួចជាស្រេចដើម្បីបង្ហាញសម្រស់ដែលជាមុខមាត់ថ្មីរបស់ខ្លួន និងត្រៀមទទួលការងារសិល្បៈផងដែរ ៕
