ភ្នំពេញ ៖ កាលពីវេលាម៉ោង៨ នឹង៣០នាទីយប់ថ្ងៃទី២៨ ខែឧសភា ឆ្នាំ២០២១ បុរសម្នាក់បើកបត់រយន្តខ្វះការប្រុងប្រយ័ត្នជ្រុលទៅគៀរម៉ូតូមួយគ្រឿងបណ្តាលឲ្យដួលរងរបួសធ្ងន់បុរសម្នាក់ ត្រូវបានរថយន្តសាម៉ុយដឹកយកទៅសង្គ្រោះបន្ទាន់ភ្លាមៗ ដែលស្ថិតនៅតាមបណ្តោយផ្លូវ១០៥K ក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូមួយគ្រឿងម៉ាកគុបពណ៌ខ្មៅពាក់ស្លាកលេខកណ្តាល1E 8030ធ្វើដំណើរតាមបណ្ដោយផ្លូវ១០៥Aក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែមានរថយន្តព្រូសពណ៍ក្រហមមួយគ្រឿងពាក់ស្លាកលេខភ្នំពេញ2AX 3407បើកបរដោយបុរសម្នាក់ក្នុងទិសដៅពីជើងទៅត្បូង បានបត់ឆ្វេងដៃដោយខ្វះការប្រុងប្រយ័ត្នជ្រុលគៀរម៉ូតូបណ្ដាលឲ្យដួលរងរបួសធ្ងន់ត្រូវបានបញ្ជូនទៅកាន់មន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះទៅដល់ទីតាំងកើតហេតុ ហើយឲ្យភាគីទាំងសងខាងធ្វើការសម្របសម្រួលគ្នាដោយភាគីខាងរថយន្តបង្កយល់ព្រមសងសំណងថ្លៃព្យាបាលនិងការខូចខាតទៅភាគីខាងម៉ូតូទាំងអស់ ៕
