សោកសៅបំផុតហើយដែល តារាចម្រៀងពហុជំនាញ សុិន ឧត្តមផល្លា បានលាចាកលោកនេះ នាចុងខែឧសភា ឆ្នាំ២០២១។ នេះជាព័ត៌មានដ៍រន្ឋត់តក់ស្លុត បំផុតសម្រាប់ អ្នកធ្លាប់ស្រឡាញ់ចូលចិត្តគាត់ហើយ មហាសោកស្តាយនូវចំនេះជំនាញដែល មានពីធម្មជាតិពិសេសការច្រៀង ជាភាសាចិន និងអង់គ្លេស។
ជាដំណឹងដ៏អកុលស្យតារាសម្តែងនិងចម្រៀងជើងចាស់អ្នកនាង សុិន ឧត្តមផល្លា បានទទួលមរណភាពហើយនៅថ្ងៃទី២៩ ខែឧសភា ឆ្នាំ២០២១នេះ បន្ទាប់ពីអ្នកនាងបានតតាំងជាមួួយនឹងជំងឺមហារីកអស់រយះពេលប៉ុន្មានឆ្នាំចុងក្រោយនេះ។
តារាសម្តែងលោក សាវីន ហ្វីពីន បានបញ្ជាក់អោយពីដំណឹងនេះតាមរយះសារបង្ហោះលើហ្វេសប៊ុកថា RIP សូមចូលរួមរំលែកទុក្ខដ៍ក្រៀមក្រំចំពោះមរណភាពតារាចម្រៀង សុិន ឧត្តមផល្លា ដោយសារជំងឺមហារីកកូនកណ្ដុរនៅព្រឹកថ្ងៃទី ២៨ ឧសភា ២០២១ វេលាម៉ោង ៧.៣០នាទីព្រឹកនេះ។លោកបញ្ជាក់ថា សង្ខាមិនទៀងមែនព្រោះខ្ញុំទេីបតែនិយាយជាមួយគាត់តាមឆាតប៉ុន្មានថ្ងៃមុនសោះ ប្អូនស្រីថាគាត់នឹងមិនអីទេអ្វីៗនឹងប្រសេីរទ្បេីងតែពេលនេះប្អូនទៅបានសុខហេីយ។
យ៉ាងណា បើតាមលោក សាវីន ហ្វីពីន ដំណឹងមរណះភាពរបស់អ្នកនាង សុិន ឧត្តមផល្លារ ទើបត្រូវបានទម្លាយអោយដឹងពីប្អូនធម៌របស់អ្នកនាងនៅថ្ងៃនេះ។
ដំណឹងមរណះភាពរបស់អ្នកនាង សុិន ឧត្តមផល្លា នាពេលនេះចាត់ទុកជាការបាត់បង់អ្នកសិល្បះខ្មែរមួយរូបដែលមានទេពកោលស្យ ដែលបានបន្សល់ទុកស្ថាដៃជាច្រើន៕ បំណងចុងក្រោយដែល អ្នកនាងចង់បានសុំ ពរពីព្រះអោយនាង មានកម្លាំងមើលថែកូនទាំង៣ អោយបានសល់ថ្ងៃរៀបការមានមែកធាង ។ ប៉ុន្តែយមរាជ មិនប្រណីឡើយបានឆក់យក តារាដែលធ្លាប់ចែងចាំងអោយផុតពីលោកនេះហើយ ធ្វើអោយគេឯង សែនសោកសៅស្តាយបំផុត ហើយក៏មិននឹកស្មានថាជួបរឿងដ៍លឿនបែបនេះ ។ សូមចូលរួមពិធីបុណ្យសព អ្នកនាង ផល្លា អោយបានផុសផុលផង សម្រាប់សិល្បករស្គាល់នាង ដើម្បីអោយព្រលឹងស្ងប់ចិត្ត។
