បុរសពីនាក់ជិះម៉ូតូវ៉ាជែងរថយន្តខ្វះការប្រុងប្រយ័ត្នត្រូវបានរថយន្តមួយគ្រឿងម៉ាកសាំយ៉ុង បុកពីក្រោយបណ្តោលអោយរងរបួសធ្ងន់១នាក់និងស្រាល១នាក់

ភ្នំពេញ៖ បុរសពីនាក់ជិះម៉ូតូវ៉ាជែងរថយន្តខ្វះការប្រុងប្រយ័ត្នត្រូវបានរថយន្តមួយគ្រឿងម៉ាកសាំយ៉ុង បុកពីក្រោយបណ្តោលអោយរងរបួសធ្ងន់១នាក់និងស្រាល១នាក់ ដេលហេតុការណ៍នេះបានកើតឡើងកាលពីវេលាម៉ោង ១និង៥០នាទីរសៀល ថ្ងៃទី២៦ ខែឧសភា ឆ្នាំ២០២១ ស្ថិតតាមបណ្តោយផ្លូវជាតិលេខ៦ ត្រង់ចំណុចមុខក្លោងទ្វារ បុរីវិមានភ្នំពេញ ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុ បានឱ្យដឹងថា មុនពេលកើតហេតុគេបានឃើញ បុរស២នាក់ជិះម៉ូតូមួយគ្រឿង ម៉ាកស្មាស់វីវូ ពាក់ស្លាកលេខ ភ្នំពេញ 1AQ-3503 តាមបណ្តោយផ្លូវជាតិលេខ៦ ទិសដៅពីជើងទៅត្បូង ខណៈ ពេលមកដល់ចំណុចកើតហេតុ ម៉ូតូក៏បានជិះវ៉ារថយន្តមួយគ្រឿងមិនស្គាល់ម៉ាក ដោយខ្វះការប្រុងប្រយ័ត្ន ស្រាប់តែមានរថយន្តមួយគ្រឿង ម៉ាកសាំយ៉ុង ពាក់ស្លាកលេខ ភ្នំពេញ2AQ-3597 ដែលបើកបរស្របទិសគ្នា ក៏បានបុកម៉ូតូពីក្រោយយ៉ាងពេញទំហឹង ខណៈពេលម៉ូតូកំពុងវាជែងរថយន្តនៅខាងមុខ បណ្តាលឱ្យភាគីខាងម៉ូតូ រងរបួសធ្ងន់ស្រាល២នាក់ ត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗ ចំណែករថយន្តបានបើកទៅមុខប្រហែលជា៥ម៉ែត្រ រួចម្ចាស់រថយន្ត បើកទ្វាររត់យករួចខ្លួនតែម្តង។
គូសបញ្ជាក់ផងដែរថា ក្រោយពេលកើតហេតុ សមត្ថកិច្ចមូលដ្ឋាន រួមកម្លាំងសមត្ថកិច្ចជំនាញ បានចុះមកដល់ទីតាំងកើតហេតុ រួចធ្វើការវាស់វែងយករថយន្តនិងម៉ូតូ ទៅរក្សាទុកនៅការិយាល័យចរាចរណ៍ផ្លូវគោក ដើម្បីរង់ចាំការដោះស្រាយគ្នាតាមផ្លូវច្បាប់៕