ព្រះច័ន្ទឈាមយ៉ាងធំ នឹងបង្ហាញរូបរាងក្នុងបាតុភូតច័ន្ទគ្រាស ឆាប់ៗខាងមុខនេះ !រូបសណ្ឋានរបស់ព្រះច័ន្ទឈាមយ៉ាងធំ ដែលត្រូវបានគេហៅថា Super Flower Moon នឹងបង្ហាញខ្លួនក្នុងបាតុភូតច័ន្ទគ្រាសនៅថ្ងៃទី២៥-២៦-២៧ ខែឧសភា ឆ្នាំ២០២១ ខាងមុខនេះទៅតាមតំបន់ និងប្រទេសនីមួយៗនៅលើពិភពលោក ។
បើតាមអង្គការពិភពលោក NASA បានឲ្យដឹងក្នុងសេចក្តីថ្លែងការណ៍ថា បាតុភូតចន្ទគ្រាសនៅសប្តាហ៍ក្រោយនេះ នឹងឆ្លងកាត់ស្រមោលផែនដី ដែលជាហេតុបណ្តាលឲ្យវាមានសភាពងងឹត និងកាន់តែធ្វើឲ្យព្រះច័ន្ទមានពណ៌ក្រហមឆ្អៅជាងធម្មតា ។
ប្រភពខាងនេះបានបញ្ជាក់ថា បាតុភូតធម្មជាតិឆ្នាំនេះនឹងបង្ហាញនៅម៉ោង២០ និង៤៧នាទីយប់ GMT ហើយអាចមើលឃើញបានយ៉ាងច្បាស់នៅក្នុងប្រទេសអូស្ត្រាលី ណូវែលសេឡង់ តំបន់អាស៊ីខាងកើត និងផ្នែកមួយចំនួននៃទ្វីបអាមេរិក ៕
