ខេត្តកោះកុង ៖ ជនសង្ស័យម្នាក់ ត្រូវបាន ផ្នែកប្រឆាំងបទល្មើសគ្រឿងញៀន បានចុះល្បាតក្នុងភូមិសាស្ត្រស្មុគស្មាញ ស្ថិតក្នុងភូមិ៣ សង្កាត់ដងទង់ ជាមុខសញ្ញាចាស់ កំពុងតាមរក កំពុងអង្គុយហូបមី នៅមុខតូបលក់ចាប់ហួយ ពេលនោះកម្លាំងបានឃាត់ខ្លួន និងឆែកឆេររកឃើញម្សៅក្រាមសថ្លា សង្ស័យជាសារធាតុញៀន ខុសច្បាប់ រួចក៏បាននាំខ្លួនមកកាន់អធិការដ្ឋាននគរបាលក្រុង ដើម្បីធ្វើការសាកសួរបន្ដ នៅថ្ងៃទី២៧ ខែមេសា ឆ្នាំ២០២១។
ជនសង្ស័យ ឈ្មោះ ចាន់ រ័ត្នតារា ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិស្ទឹងវែង សង្កាត់ស្ទឹងវែង។
ដកហូតវត្ថុតាងរួមមាន៖
-ម្សៅក្រាមសថ្លាសង្ស័យជាសារធាតុញៀនចំនួន ១១កញ្ចប់ (១កញ្ចប់ធំ, ១០កញ្ចប់តូច)
-ឧបករណ៍ជក់មួយចំនួន ។
ករណីនេះ កម្លាំងជំនាញយើងកសាងសំណុំរឿងបញ្ជូនជនសង្ស័យទៅសាលាដំបូងខេត្តចាត់ការតាមនីតិវិធីច្បាប់។
