ភ្នំពេញ៖ មហាជន ក៏ដូចជា ប្រជាពលរដ្ឋជាច្រើនដែល ចូលចិត្តទស្សនាកម្មវិធីផ្សេងៗ តាមរយៈកញ្ចក់ ទូរទស្សន៍ដើម្បីទទួលបានចំណេះដឹង និងការកម្សាន្ត ដែលផលិតករ បានបង្កើតឡើង តម្រូវតាមវប្បធម៌ សម័យកាលរបស់សង្គម និងតម្រូវតាមទស្សនិក ជនផង ។
ស្ថិតក្នុងអាជីបជាផលិតករ លោក ធី សុផាន់ណា ដែលគេស្គាល់ជាទូទៅថា ធី សុវណ្ណបញ្ញាឬទ្ធ ជាផលិតករដ៏ឆ្នើមមួយរូបដែលមហាជនមួយចំនួនធ្លាប់តែបានទស្សនាកម្មវិ ធីទូរទស្សន៍របស់លោកផលិតបង្កើតឡើង ប៉ុន្តែមិនបានស្គាល់រូបលោកដែលនៅពី ក្រោយដឹកនាំការសម្តែងនៃកម្មវិធីទាំងអស់នោះ ។
បើតាមការជម្រាបដោយផ្ទាល់ពីលោកធី សុវណ្ណបញ្ញាឬទ្ធ បានឲ្យដឹងថា អាជីព និងបទ ពិសោធន៍ការងាររបស់លោកលើវិស័យផលិតកម្មវិធីទូរទស្សន៍រហូតមកដល់ពេលនេះមានរយៈពេលជាង១០ឆ្នាំទៅហើយ ។ លោកធ្លាប់បានផលិតកម្មវិធីល្បីៗជាច្រើន ដូចជា កម្មវិធីមនុស្សធម៌នេះមិនមែនជាសុបិន, ផ្ទះទេវតា, អណ្តូងទឹកស្អាត និងកម្ម វិធីសុខ ភាពប្រជាជនជាដើមឲ្យស្ថានីយ៍ទួរទស្សន៍បាយ័ន្ត រហូតបានទទួលនូវ មេដាយកិត្តយ័ស ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋន្ត្រីកម្ពុជា លើការផលិតកម្មវិធី ទៀតផង ។
លើសពីនេះលោកក៏បានផលិតនូវកម្មវិធីកម្សាន្តៗជាច្រើនទៀតដូចជា កម្មវិធីខ្ញុំជាចុងភៅ តារា, មរតកសិល្បៈខ្មែរ, សប្បាយម្យ៉ាងម្នាក់, ចំណូលចិត្តតារា និងកម្មវិធីកម្សាន្តជាច្រើន ផ្សេងៗទៀត ។ មិនតែប៉ុណ្ណោះលោកក៏ជាអ្នករៀបចំនូវព្រឹត្តិការណ៍តន្ត្រីធំ(concert) សម្រាប់តារាកម្ពុជា រួមទាំងតារាបរទេសមួយចំនួន ដូចជាសាំងការពួ និងហុកុងជា ដើម សម្រាប់យុវជនកម្ពុជាដែលគាំទ្រ ។ លើសពីនេះ លោកធី សុវណ្ណបញ្ញាឬទ្ធ ក៏ជា អ្នកដែលផលិតកម្មវិធីសម្រាប់ផ្សព្វផ្សាយ ស្ពតពាណិជ្ជកម្មផងដែរ ដោយលោក ទទួល បានការសហការមួយបណ្តាក្រុមហ៊ុនជា ច្រើនដើម្បីថតវិដេអូផលិតស្ពតពាណិជ្ជ កម្ម ។
ផលិតកររូបនេះបានបញ្ជាក់ថា អ្វីៗដែលជាលទ្ធផល និងសមិទ្ធនៃភាពជោគជ័យទាំង អស់នេះ គឺមិនមែនបានមកដោយមិនឆ្លងកាត់ការតស៊ូ ការលំបាកនោះទេ ពោលគឺ រូបលោកធ្លាប់ហែលឆ្លងអស់ហើយ ដោយរូបលោកបានចូលបម្រើការងារ តាំងតែ ពីរូបលោកនៅសិក្សាថ្នាក់វិទ្យាល័យនៅឡើយ ដែលរហូតមកដល់ពេលនេះរយ:ពេលប្រមាណ១៥ឆ្នាំកន្លងមកហើយ ៕
