ខេត្តកំពង់ស្ពឺ ៖ មានករណីខ្យល់កន្ត្រាក់ បណ្តាលឱ្យខូចខាតផ្ទះប្រជាពលរដ្ឋចំនួន ៣គ្រួសារ ស្ថិតនៅក្នុង ភូមិគគ្រួស ឃុំពេជ្រមុនី ស្រុកគងពិសី ខេត្តកំពង់ស្ពឺ។ នេះបើយោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី២២ ខែមេសា ឆ្នាំ២០២១ វេលាម៉ោង០៣និង៤៥នាទី។
ផ្ទះប្រជាពលរដ្ឋដែលរងគ្រោះ មានម្ចាស់ឈ្មោះ ៖ ១.ឈ្មោះ ចេវ ចាន់ ភេទប្រុស អាយុ ៣៩ឆ្នាំ ខូចខាតដំបូលផ្ទះទាំងស្រុង ធ្វើអំពីស័ង្គសីទំហំ២០ម×២១ម ។ ២.ឈ្មោះ តឿ សំ ភេទប្រុស អាយុ ៣៣ឆ្នាំ ខូចខាតដំបូលផ្ទះបាយប្រកសង្ក័សីទាំងស្រុង ទំហំ៣ម×៤ម និងដំបូលបន្ទប់ទឹក ប្រក់ស័ង្គសី ខូចខាតទាំងស្រុងទំហំ១,៥ម×២ម ។ ៣.ឈ្មោះ ហុង ឃៀង ភេទប្រុស អាយុ ៥៦ឆ្នាំ រលំរោងគោ ខូចខាតទាំងស្រុង ធ្វើអំពីឈើប្រក់ស័ង្គសី ទំហំ៤ម×៥ម។
តាមរបាយការណ៍បញ្ជាក់ថា ករណីនេះមិនបណ្តាលឲ្យគ្រោះថ្នាក់ដល់មនុស្សទេ៕
