ភ្នំពេញ ៖ ចូលទៅក្នុងផ្ទះ រួចគំរាមប្រពន្ធយកប្រាក់ចំនួន៦០០ដុល្លារ តែគេពុំដឹងថា យកប្រាក់នោះទៅធ្វើអ្វីនោះទេ ប៉ុន្តែត្រូវបានប្រពន្ធ បដិសេធ ថាមិនមានលុយនោះទេ ធ្វើអោយបុរសជាប្តី ផ្ទុះកំហឹង ផ្ទុះកំហឹងខឹង ក៏បានទាញយកកាំបិតប៉័ងដេញកាប់ប្រពន្ធតែម្តង បង្កឱ្យមានការភ្ញាក់ផ្អើលឆោឡោដល់អ្នកជិតខាង ត្រូវបានកម្លាំងនគរបាលប៉ុស្តិ៍ទួលសង្កែ១ ឃាត់ខ្លួនកាលពី ថ្ងៃទី២២ ខែមេសា ឆ្នាំ២០២១ នៅចំណុចផ្ទះលេខ៩G ផ្លូវ៩៩R ស្ថិតក្នុងភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ។
ជនបង្កហិង្សាខាងលើឈ្មោះ លី គីមអេង ភេទប្រុស អាយុ៤២ឆ្នាំ ទីលំនៅកន្លែងកើតហេតុខាងលើ ត្រូវជាប្តី ចំណែកនារីរងគ្រោះឈ្មោះ ហ៊ិន សុធានី អាយុ៣៩ឆ្នាំ ត្រូវជាប្រពន្ធ។
សមត្ថកិច្ចបានឱ្យដឹងថា នៅមុនពេលកើតហេតុ ជនសង្ស័យដែលជាប្តីបានចូលទៅក្នុងផ្ទះ រួចគំរាមប្រពន្ធដើម្បីយកប្រាក់ចំនួន៦០០ដុល្លារ តែគេពុំដឹងថា យកប្រាក់នោះទៅធ្វើអ្វីនោះទេ ។ ខណៈពេលនោះ ស្ត្រីជាប្រពន្ធប្រាប់ថា គ្មានទេ ស្រាប់តែជនសង្ស័យជាប្តីផ្ទុះកំហឹងខឹង ក៏បានទាញយកកាំបិតប៉័ងដេញកាប់ប្រពន្ធតែម្តង បង្កឱ្យមានការភ្ញាក់ផ្អើលឆោឡោដល់អ្នកជិតខាង។
ប្រភពដដែលបន្តថា ភ្លាមៗនោះ ត្រូវបានកម្លាំងនគរបាលដែលជិះល្បាតក្នុងមូលដ្ឋានជួយអន្តរាគមន៍ ហើយក៏បានឃាត់ខ្លួនជនបង្កហិង្សាជាប្តីនោះតែម្តង។ ទោះបីជាយ៉ាងណា ជននោះពុំទាន់បង្កឱ្យមានរបួសឡើយ។
តាមនគរបាលឱ្យដឹងទៀតថា កាំបិតប៉័ងតោចំនួន២ដែលជាវត្ថុតាង ត្រូវបានសមត្ថកិច្ចដកហូត ចំណែកជនដែលប្រើហិ.ង្សាក៏ត្រូវបានសមត្ថកិច្ចបញ្ជូនទៅកាន់អធិការដ្ឋានខណ្ឌឬស្សីកែវ ដើម្បីចាត់ការតាមច្បាប់៕
