ភ្នំពេញ ៖ រថយន្ត ម៉ាកRAV4មួយគ្រឿង ដែលម្ចាស់អះអាងថា ងងឹតមុខ ក៍បានជ្រុលបុកឡើងខឿនថ្មខណ្ឌចែកទ្រូងផ្លូវជាតិលេខ ៥ហើយ បុកបង្គោលភ្លើងគោមបំភ្លឺផ្លូវមួយដើមពេញទំហឹងបណ្តាលអោយកំពិតហើយរថយន្តផ្ទុះពោងសុវត្តិភាពទាំង២ ខ្ទេតចេញទៅម្ខាងផ្លូវប៉ះ រថយន្តកាមរីគូថប៉ោងមួយគ្រឿង បែកស្តុប ។
គ្រោះថ្នាក់ចរាចរណ៍ នេះ បានកើតឡើងកាលពីវេលាម៉ោងប្រមាណ១២និង១៥នាទីថ្ងៃត្រង់ទី២៩ ខែ មីនា ឆ្នាំ ២០២១នៅតាមបណ្តោយផ្លូវជាតិលេខ ៥មុខ សាលាបឋមសិក្សារព្រែកព្នៅ ក្នុងភូមិ កណ្តាល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ទោះបីជាយ៉ាងណាគ្រោះថ្នាក់នេះពុំបណ្តាលអោយមនុស្សរងរបួសឡើយ។
រថយន្ត ដែល កើតមានគ្រោះថ្នាក់នេះ ត្រូវនគរបាលអោយដឹងថា ម៉ាករ៉េវហ្វ័រ (ម៉ាកRAV4)ពណ៌ស ពាកស្លាកលេខ ភ្នំពេញ២AL៩៥២០បើកបរ ដោយ បុរសម្នាក់ឈ្មោះជុំ វណ្ណី អាយុ ៦២ឆ្នាំ មានលំនៅ ភូមិ ស្រែអំពិលឃុំឈ្វាំង ស្រុកពញាឮ ខេត្តកណ្តាល ជាជនពិការស្វិតជើងស្តាំ។
តាមម្ចាស់ រថយន្ត បានអោយដឹងថា នៅមុនពេលគ្រោះថ្នាក់គាត់២នាក់បងប្អូននិងកូនប្រុសម្នាក់ធ្វើដំណើរទៅលេងបងប្អូននៅឃុំសំបួរមាស ស្រុកមុខកំពូល ខេត្តកណ្តាល ។ពេលធ្វើដំណើរតាមផ្លូវក៍ងងឹតមុខ ជ្រុលចង្កូតឡើងខឿនបុកបង្គោលភ្លើង តែម្តង ។
បន្ទាប់ពីកើតមានគ្រោះថ្នាក់ ម្ចាស់រថយន្តបង្ក ដែលជាជនពិការក៍បានសម្របសម្រួលសងជួលជុលស្តុបរថយន្តកាមរីចំនួន៣០០ដុល្លារ។ ដោយសារតែបុកប៉ះបង្គោលភ្លើង រងការខូចខាតនគរបាលចរាចរណ៍ក៍បានចុះទៅស្ទួចបញ្ចូន ទៅកាន់ការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញដើម្បីដោះស្រាយសងការខូចខាតទ្រព្យសម្បត្តិសាធារណៈ៕
