កីឡា ៖ ខ្សែប្រយុទ្ធជួរមុខរបស់ក្រុម Real Madrid កីឡាករ Karim Benzema បានឲ្យដឹងថា ៖ នឹងស្វាគមន៍ជានិច្ចបើសិនជាជើងស៊ុតរបស់ Borussia Dortmund កីឡាករ Erling Haaland ផ្ទេរមក Real Madrid ក្នុងដូវកាលដោះដូរកីឡាកររដូវក្តៅនេះ។
ទាក់ទិននឹងរឿងនេះផងដែរ Benzema បានថ្លែងប្រាប់អ្នកកាសែតថា៖ “ខ្ញុំនឹងមិននិយាយអ្វីពីកីឡាករដែលមិននៅទីនេះទេ (Real Madrid)។ រៀងរាល់ខែយើងតែងនិយាយអំពីមនុស្សដែលមិនបាននៅទីនេះ ឬនិយាយពីកីឡាករដែលរកគ្រាប់បាល់បានច្រើន គាត់ (Haaland) រកគ្រាប់បាល់បានច្រើនសម្រាប់ក្រុមរបស់គាត់។ បើសិនជាថ្ងៃណាមួយគាត់មានឱកាសមក Real Madrid នោះ ឲ្យគាត់ផ្ទេរមក…។
គួរឲ្យដឹងផងដែរថា តារាវ័យក្មេងវ័យ២០ឆ្នាំ Erling Haaland បានបង្ហាញខ្លួន និងធ្វើព្យុះភ្លៀង ដោយចំណាយពេលត្រឹម១៨ខែរបស់ខ្លួនជាមួយក្លិប Dortmund ដោយរកគ្រាប់បាល់បាន៤៧គ្រាប់ក្នុងចំណោម៤៨ប្រកួត ដែលនេះជាតួលេខមួយដែលបើកកំណត់ត្រានៅទ្វីបអឺរ៉ុប៕
