ខេត្តពោធិ៍សាត់ ៖ លោកវរសេនីយ៍ឯក យឹម ស៊ាងហៃ អធិការនគរបាលក្រុងពោធិ៍សាត់ ដោយមានបទបញ្ជាពីលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានដឹកនាំកំលាំងអន្តរាគមន៍ ចុះបង្រ្កាបនិងឃាត់ខ្លួនមុខសញ្ញាចែកចាយគ្រឿងញៀន នៅចំណុចហាងចាក់ខ្ចៅ កញ្ចុះលេខ១៧ ស្ថិតនៅភូមិបន្ទាយដីក្រោម សង្កាត់បន្ទាយដី ក្រុងពោធិ៍សាត់ បានឃាត់ខ្លួនជនសង្ស័យចំនួន០១នាក់ ម៉ូតូ០១គ្រឿងនឹងវត្ថុតាងមួយចំនួន កាលពីល្ងាចថ្ងៃទី១៥ ខែមីនា ឆ្នាំ២០២១។
លោកអធិការ យឹម ស៊ាងហៃ បានឲ្យដឹងថា ជនសង្ស័យមានឈ្មោះ ជូ ឆេកូ អាយុ៣៤ឆ្នាំ មានទីលំនៅភូមិពាលញែក២សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ជាមុខសញាចែកចាយគ្រឿង ញៀននឹងទើបចេញពីពន្ធធានាគារ។ ក្នុងករណីបង្រ្កាបនេះ កំលាំងអន្តរាគមន៍ដកបានវត្ថុតាងរួមមាន៖ ថង់ផ្លាស្ទីកសំរាប់ច្រកគ្រឿងញៀន០១ចំនួន,កាបូបតូចចំនួន០១ និង ម៉ូតូចំនួន០១គ្រឿង។
លោកអធិការបានបន្តថា ជនសង្ស័យរួមទាំងវត្ថុតាងត្រូវបានសមត្ថកិច្ចឃាត់ខ្លួននៅអធិការដ្នាននគរបាលក្រុងពោធិ៍សាត់ដើម្បីចាត់ការទៅតាមនីតិវិធី៕
