ភ្នំពេញ ៖ បុរសម្នាក់បើករថយន្ត BMW មួយគ្រឿង ជ្រុលទៅបុកម៉ូតូធូដេ បណ្ដាលអោយនារីម្នាក់ រងរបួសស្រាល កាលពីម៉ោងជិត១១យប់ ថ្ងៃទី៣ ខែមិនា ឆ្នាំ២០២១ នៅតាមបណ្តោយផ្លូវបេតុ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្ត BMW មួយគ្រឿងពណ៌ក្រហមពាក់ស្លាកលេខភ្នំពេញ-2AI-3355ធ្វើដំណើរតាមបណ្តោយផ្លូវបេតុង ទិសដៅពីជើងទៅត្បូងលុះមកដល់ចំណុចកើតហេតុខាងលើបានជ្រុលទៅបុកម៉ូតូធូដេពណ៌សមួយគ្រឿងពាក់ស្លាកលេខភ្នំពេញ1GS-1779 ជិះគ្នាពីរនាក់ធ្វើដំណើរនៅខាងមុខរថយន្ត ហើយក៏ប៉ះពីចំហៀងខាងស្ដាំ រថយន្ត បណ្ដាលឲ្យដួលរងរបួស ម្នាក់ ភ្លាមនោះម្ចាស់រថយន្តក៏បានចុះពីលើរថយន្តធ្វើការសួរនាំជនរងគ្រោះ។
ក្រោយពីធ្វើការសម្រុះសម្រួលគ្នារួចមក ខាងភាគីរថយន្ត បានចេញសំណងទៅឲ្យភាគីម៉ូតូ ដើម្បីបញ្ចប់រឿងនៅនឹងកន្លែងកើតហេតុ៕
