ស្លាប់ម្នាក់ ក្នុងករណីគ្រោះថ្នាក់ចរាចរណ៍រវាង រថយន្តនិងម៉ូតូ នៅក្រុងតាខ្មៅ

ខេត្តកណ្ដាល ៖ បុរសម្នាក់ បានស្លាប់ភ្លាមៗ នៅកន្លែងកើតហេតុ ក្រោយជួបគ្រោះថ្នាក់ចរាចរណ៍ រវាង រថយន្ត និងម៉ូតូ បុកគ្នា នៅខាងមុខផ្ទះ Wing វេលុយ សុខ ស្រីនួន លើផ្លូវ២១A ស្ថិតនៅភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្ដាល កាលពីយប់់ ថ្ងៃទី០២ ខែមីនាឆ្នាំ២០២១។

មុនពេលកើតហេតុមានរថយន្តមួយគ្រឿងម៉ាក NISSAN ពណ៌បៃតង ពាក់ស្លាកលេខ ចង្កូតស្ដាំ ព្រះសីហនុ 3-0471 អ្នកបើករថយន្តមិនទាន់ស្គាល់អត្តសញ្ញាណ(រត់គេចខ្លួន) រថយន្តកំពុងបែនចាក់ថ្មក្នុងទិស ដៅពី លិច ទៅ កើត នៅចំណុចកើតហេតុខាងលើ ស្របពេលនោះក៏មានម៉ូតូមួយគ្រឿងម៉ាក HONDA DREAM ពណ៌ខ្មៅ ពាក់ស្លាកលេខ កណ្ដាល 1Z-5312 (មិនពាក់មួកសុវត្ថិភាព និងមិនមានកញ្ចក់មើលក្រោយ) អ្នកបើកម៉ូតូឈ្មោះសូត្រ ពិសី ភេទប្រុស អាយុ៣៥ ឆ្នាំ មានទីលំនៅភូមិលេខ ៤ សង្កាត់ស្វាយរលំ ក្រុងតាខ្មៅ (ស្លាប់ភ្លាមៗ នៅកន្លែងកើតហេតុខាងលើត្រូវបានសាច់ញាតិយកទៅធ្វើបុណ្យតាមប្រពៃណី)។

សូមបញ្ជាក់ថា ម៉ូតូបើកក្នុងទិសដៅពី ជើងទៅត្បូង ក៏បណ្ដាលឲ្យបុករថយន្តដែលមានម៉ាកខាងលើ ចំកាងសុវត្ថិភាព ជំហៀងខាងឆ្វេងតែម្ដង។ បច្ចុប្បន្នមធ្យោបាយដែលពាក់ព័ន្ធបានយកមករក្សាទុក បណ្ដោះអាសន្ន នៅអធិការដ្ឋាន ដើម្បីចាត់ការតាមតិវិធី៕