ផលិតកម្មហ្សូន បានធ្វើអោយគេចាប់អារម្មណ៍ តែម្តងមួយប្រាវចុងក្រោយនេះដោយសារ ឃើញផ្ទុះនូវបណ្តាចម្រៀងជាច្រើន ដែលនឹកស្មានមិនដល់។ ម្ល៉ោះហើយទើប ខាងក្រុមការងារ តារាចម្រៀង និងអ្នកគ្រប់គ្រង ផ្ទាល់បានបន្តខិតខំធ្វើយ៉ាងណាអោយ មានអ្វីដែលល្អ ទាក់ទាញជាថ្មីទៀត។
ក្នុងពេលដែល មហាជន មានការចាប់អារម្មណ៍ នូវការគាំទ្រ ចម្រៀងរបស់ផលិតកម្មហ្សូន ធ្វើអោយសហការីទាំងអស់ភ្ញាក់ផ្អើលហើយ នឹកមិនដល់សោះថា ការចេញចម្រៀងនៅលើទីផ្សារល្អៗ គួរអោយចង់ស្តាប់កម្សាន្ត។ ចម្រៀងមួយៗចេញមក ចាក់ចំបេះដូង យុវវ័យ ដែលធ្វើអោយមានការលើកឡើងថា ពិតជាពូកែរកអត្ថន័យល្អៗ និងកំណត់ចំណងជើង អោយសមតាមចិត្តយុវជនសម័យថ្មី ជឿនលឿននេះ។ ក្នុងនោះដូចជាបទ «អូនមិនមែនជាធនាគារ»«អារម្មណ៍ភ្លើង» «អ្នកណាកែចិត្តបង»«បាបកម្ម»«កំពតបាក់បេះដូង» និងបទ«អារម្មណ៍ស្នេហ៍» ច្រៀងដោយលោករ៉ាជី ព្រមទាំងមានចម្រៀងបន្តបន្ទាប់ទៀត។
ដោយ មើលឃើញអំពី ការអោយតម្លៃលើភាពគាំទ្រ របស់ហ្វេនៗ ផលិតកម្មហ្សូន និងបន្តយកយុទ្ឋវិធីជាច្រើនទៀត ដែលជាតិចនិចល្អៗ មកបំបែកការទាក់ទាញ ហើយធ្វើយ៉ាងណាអោយមានភាពប្លែកៗ។សូមបណ្តាប្រិយមិត្តទាំងអស់ រង់ចាំតាមដានទស្សនា បន្តទៀត ដើម្បីអ៊ុត មើលអ្វីដែលថ្មីៗ ដែលផលិតកម្មហ្សូនកសាងបានបន្ថែម។
