អ្នកស្រីទ្រី ដាណា ការរីកចម្រើនវិស័យគ្រឿងសំអាង ឆ្លុះបញ្ចាំងពីដំបូលសន្តិភាព

កម្មវិធីកក្រើក និងអស្ចារ្យមួយដែលក្រុមហ៊ុន ដាណា ទ្រី ខេមបូឌា ត្រេឌីងខូអិលធីឌី បានបង្កើតឡើងនាថ្ងៃទី០៥ ខែមករា ឆ្នាំ២០២១ នោះគឺព្រឹត្តិការណ៍ជួបជុំម្ចាស់ដេប៉ូ និងតំណាងចែកចាយជាង៥ពាន់នាក់ និងចែករង្វាន់ដល់បុគ្គលឆ្នើមជាការលើកទឹកចិត្ត ចំពោះការខិតខំប្រឹងប្រែង និងការចាប់ដៃសហការគ្នាបានយ៉ាងល្អ លើការចែកចាយគ្រឿងសម្អាងម៉ាក N.N.P នៅទូទាំងប្រទេសកម្ពុជា។
ដាណា ទ្រី ខេមបូឌា ត្រេនឌីងខូអិលធីឌី បានរៀបចំកម្មវិធីប្រគល់ពានរង្វាន់ ព្រមទាំងផ្ដល់ជាកាដូរជាច្រើនរួមមាន ម្កុដពេជ្រ, មាស៣គីឡូ, ថយន្តស៊ែរីទំនើប២គ្រឿងម៉ាក Ford Ranger និងរង្វាន់ម៉ូតូ និងរង្វាន់លើកទឹកចិត្តជាច្រើនទៀត ជូនដល់តំណាងឆ្នើមក្នុងគោលបំណង លើកទឹកចិត្តឱ្យនារីទាំងអស់ ចេះចាប់ផ្ដើមរកស៊ីដោយខ្លួនឯង ដើម្បីទទួលបានចំណូលបន្ថែមសម្រាប់គ្រួសារ។
ព្រឹត្តិការណ៍ដ៏អស្ចារ្យនេះ មានការអញ្ជើញចូលរួមពីអ្នកស្រី ទ្រី ដាណា ដែលជាអគ្គនាយិកាក្រុមហ៊ុនដាណាទ្រី ខេមបូឌា ត្រេនឌីង ខូអិលធីឌី និងស្វាមី លោក ហ៊ីង បញ្ញារិទ្ធ ព្រមទាំងម្ចាស់ដេប៉ូ និងតំណាងចែកចាយជាង៥ពាន់នាក់ នៅអ៊ីអន ២សែនសុខ រាជធានីភ្នំពេញ។
ថ្លែងនៅក្នុងឱកាសនោះ លោក ហ៊ីង បញ្ញារិទ្ធ អគ្គនាយក្រុមហ៊ុនដាណាទ្រី ខេមបូឌា ត្រេនឌីង ខូអិលធីឌី បានលើកឡើងថា ពិធីជួបជុំតំណាងចែកចាយ និងប្រគល់ពានរង្វាន់ជូនដល់អ្នកជំនួញឆ្នើម ដែលរៀបចំដោយក្រុមហ៊ុន ដាណា ទ្រី ខេមបូឌា ត្រេឌីងខូអិលធីឌី នាពេលនេះ បានបង្ហាញឲ្យឃើញពីការរីកចម្រើន នៃវិស័យគ្រឿងសម្អាងនៅកម្ពុជា បានឆ្លុះបញ្ចាំឲ្យឃើញពីប្រទេសជាតិ កំពុងមានការអភិវឌ្ឍន៍ឋិតនៅក្រោមដំបូលសុខសន្តិភាព ដែលបង្កលក្ខណៈងាយស្រួលឲ្យយើងទាំងអស់គ្នា។
ជាមួយគ្នានោះ លោក បានបន្តថា ឱសថ គ្រឿងសម្អាង និងបរិក្ខាពេទ្យជាផ្នែកមួយមានសារៈសំខាន់ណាស់ សម្រាប់ការរស់នៅរបស់ប្រជាពលរដ្ឋទូទៅ។ ជាមួយគ្នានោះ លោក ក៏បានអំពាវនាវឲ្យមានការចូលរួមអនុវត្តច្បាប់ទាំងអស់គ្នា និងជាពិសេសការរកទទួលទានរបស់យើងត្រូវធ្វើយ៉ាងណា ឲ្យស្របតាមបទដ្ឋានលក្ខណៈបច្ចេកទេសនិងច្បាប់ឱសថ ដែលមានជាធរមានខណៈការផ្សព្វផ្សាយតាម Online និងសង្គម Facebook ដោយភាគច្រើននិង គ្មានច្បាប់ទំលាប់ត្រឹមត្រូនោះឡើយ។
អ្នកស្រី ទ្រី ដាណា អគ្គនាយិកាក្រុមហ៊ុន ដាណា ទ្រី ខេមបូឌា ត្រេឌីងខូអិលធីឌី បានឲ្យដឹងថា ផលិតផល N.N.P ទទួលពីស្គាល់ពីក្រសួង-ស្ថាប័នពាក់ព័ន្ធ នៃព្រះរាជាណាចក្រកម្ពុជា និងថៃ ដោយមានលិខិតអនុញ្ញាតឱ្យធ្វើអាជីវកម្មស្របច្បាប់ បានលើកឡើងថា ការបើកក្រុមហ៊ុននេះ គឺមានគោលគំនិត ចង់ជួយឱ្យនារីខ្មែរទាំងអស់ ចេះចាប់ផ្ដើមប្រកបមុខរបរដោយខ្លួនឯង ដោយចាប់ផ្ដើមពីដើមទុនតិចតួចបំផុត។