ឈុតព្រះម៉ែគង្គា របស់តារាអន ឡាញ សុជាតានៅតែពេញនិយមទោះបង្ហាញយូថ្ងៃ

ជាថ្មីម្តងទៀត តារាហ្វេសបុក លក់ផលិតផល ពង្រីកដើមទ្រូងនៅលើអនឡាញអ្នកគ្រូ សុជាតាក្រោយធ្វើការបង្ហោះរូបថតគ្រងឈុតបុរាណឈ្មោះ«ព្រះម៉ែគង្គា»នៅតែទទួលបានសាសរសើរថាស្រស់ស្អាតខ្លាំងណាស់។បើទោះជា តារាលេងខ្លួនយេរៗ ឡាយ លក់ផលិតផលរូបនេះបង្ហោះរូបឈុតនេះប៉ុន្មានលើកមកហើយក្តី។
តារាហ្វេសបុករូបនេះបានបង្ហោះរូបនេះឡើងវិញពេញមួយថ្ងៃទី២០ តុលា ឆ្នាំ២០២០ ដោយបាន សរសេររំលេចពាក្យពេចន៍ថា «ឈុតព្រះម៉ែគង្គាព្រះម៉ែថែរក្សា ដែនទន្លេ និង ដែនសមុទ្រ សូមលើកដៃទាំង2បួងសួងអោយប្រជាជនទូទាំងប្រទេសរួចផុតពីគ្រោះទឹកជំនន់ មានសុវត្ថិភាព សុខភាពល្អ ផៀសផុតពីជំងឺផ្សេងៗ ..»៕ តាមរយៈការបង្ហាញនេះ បង្ហាញថា តារាស្រស់សោភាល្បីលើ អន ឡាញរូបនេះមានទឹកចិត្ត ចូលរួមសោកស្តាយនូវអ្វីដែលកម្ពុជារងគ្រោះដោយទឹកជំនន់។លើសពីនេះអ្នកនាងបាន ចូលរួមបែបន់អោយពលរដ្ឋ កម្ពុជាទាំងអស់សុខសប្បាយរួចចាកផុតពី គ្រោះទឹកជំនន់គ្រប់ៗគ្នាហើយឆាប់ ត្រឡប់មករកភាពប្រក្រតីឡើងវិញទាំងអស់គ្នា។
កម្ពុជា បានរងនូវបញ្ហាគ្រោះធម្មជាតិអស់ជាច្រើនថ្ងៃដែល បណ្តាលអោយគ្រប់តំបន់ជាច្រើនរងនូវជំនន់ទឹកភ្លៀង។ដោយមើលឃើញពីបញ្ហាកង្វះខាតមានសប្បុរសជនជាច្រើនចាប់ផ្តើមផ្តល់ជំនួយធ្វើអោយរដ្ឋាភិបាល បានដោះស្រាយទាន់ពេលវេលា។ជាមួយគ្នានេះផងដែរនៅមានជំនួយជាបន្តបន្ទាប់ទៀតនៅតែបញ្ជូនជួយពលរដ្ឋយ៉ាងញាប់ដៃញាប់ជើងបំផុត។