ភ្នំពេញ៖ តារ៉ាចម្រៀងOriginal Song កញ្ញ៉ា Nikki Nikki ដែលត្រូវបានមហាជនភាគច្រើនស្គាល់ថា ជាតារ៉ាចម្រៀងឯករាជ្យ និងកំពុងមានប្រជាប្រិយភាពខ្លាំងនៅលើបណ្ដាទំនាក់ទំនងសង្គមនោះ ថ្មីៗនេះ ត្រូវបានក្រុមហ៊ុនT&L ជ្រើសរើសអោយក្លាយជាទូតសុឆន្ទ: តំណាងអោយផលិតផលរបស់ខ្លួនជាផ្លូវការ ស្របពេលដែលផលិតផលយីហោនេះ កំពុងមានការគាំទ្រខ្ពស់នៅលើទីផ្សារកម្ពុជា។
លោកជំទាវ លាង ធារ៉ា អគ្គនាយិកាក្រុមហ៊ុន Theara Leang Co.Ltd យីហោT&L Natural បានលើកឡើងថា ការជ្រើសយកកញ្ញា Nikki Nikki ធ្វើជាទូតសុឆន្ទ: តំណាងអោយផលិតផលT&L នេះ គឺដោយសារយើងបានមើលឃើញពីទេព្យកោសល្យពហុជំនាញរបស់គាត់ច្រើន ដូចជាគាត់អាចនិពន្ធចំរៀង និងច្រៀងបទOriginal បានដោយខ្លួនឯង ហើយគឺជាតារ៉ាចម្រៀងOriginal song ដែលកំពុងមានប្រជាប្រិយភាពខ្លាំង ក្នុងស្រទាប់យុវវ័យ និងមហាជន។ ដូច្នេះ វត្តមានរបស់ កញ្ញ៉ា Nikki Nikki ជាទូតសុឆន្ទ: តំណាងអោយផលិតផលរបស់យើងនាពេលនេះ នឹងកាន់តែធ្វើអោយប្រេន T&L មានអ្នកស្គាល់ និងគាំទ្រច្រើនបន្ថែម ខណៈដែលបច្ចប្បន្ន ក្រុមហ៊ុនយើង បាននឹងកំពុងក្តោបក្តាបបាននូវចំណែកទីផ្សារផលិតផលយីហោក្នុងស្រុកមួយផ្នែកធំ។
កញ្ញ៉ា Nikki Nikki ជាទូតសុឆន្ទ: តំណាងអោយផលិតផលប្រេន T&L បានបង្ហាញនូវការយល់ឃើញថា ការផ្តល់នូវកិត្តិយសពីក្រុមហ៊ុនT&L សម្រាប់រូបនាងនាពេលនេះ គឺជាការសម្រេចនូវក្តីស្រម៉ៃដែលខ្លួនធ្លាប់ប៉ងកាលពីយូណាស់មកហើយ ថាថ្ងៃនេះ នឹងអាចក្លាយជាអ្នកតំណាងផលិតផលល្បីក្នុងស្រុក និងអន្តរជាតិ ។
កញ្ញាអះអាងថា ខ្លួននឹងព្យាយាមផ្សព្វផ្សាយពីភាពល្អៗ ដែលT&L មាន ទៅកាន់អ្នកគាំទ្រ តាមរយៈការសម្តែង និងបទចម្រៀងជាច្រើនរបស់កញ្ញាផ្ទាល់។
លោកឧកញ្ញ៉ា ឌី ជោត អគ្គនាយកក្រុមហ៊ុន Theara Leang Co.Ltd ដែលទើបនឹងទទួលបានគោរមងារតែងតាងពីព្រះមហាក្សត្រក្នុងងារជាឧកញ្ញ៉ា បានលើកឡើងថា ភាពច្បាស់លាស់ ត្រឹមត្រូវ និងផ្តល់នូវទំនុកចិត្តដល់អតិថិជន ក៏ដូចជាតំណាងចែកចាយរបស់ខ្លួន ដែលរួមដៃគ្នា ជាមួយគ្រួសារT&L កន្លងមក បានធ្វើអោយប្រេនក្នុងស្រុកមួយនេះ អាចមានសមត្ថភាពពង្រីកខ្លួនបានយ៉ាងលឿនជាមួយនឹងគុណភាព ទំនុកចិត្ត និងបានជួយស្ត្រីជាមេផ្ទះជាច្រើនអោយមានការងារធ្វើ ដើម្បីបន្ថែមចំណូលចូលគ្រួសារ។
លោកបន្តថា ជាចក្ខុវិស័យរបស់ក្រុមហ៊ុន គ្រោងនឹងបង្កើតអោយមានជារោងចក្រផ្ទាល់ខ្លួន ក្នុងប្រទេសនាពេលឆាប់ៗខាងមុខនេះ បើតម្រូវការក្នុងស្រុកចេះតែបន្តកើនឡើង ដើម្បីងាយស្រួលក្នុងការផ្គត់ផ្គង់ និងចែកចាយបន្តបានឆាប់រហ័ស។
គួរបញ្ជាក់ថា ផលិតផលសាប៊ូ យីហោក្នុងស្រុកម៉ាក T&L Natural នេះ ស្ថិតក្រោម ការវិនិយោគទាំងស្រុងពីវិនិយោគគិនកម្ពុជា គឺក្រុមហ៊ុន Theara Leang Co, Ltd និង មានតំណាងដៃគូចែកចាយទូទាំង25ខេត្តក្រុង ប្រមាណ១ម៉ឺននាក់៕
