ថៃ៖ ស្ថានភាពនៃការរីករាលដាលជំងឺកូវីដ-១៩ នៅក្នុងប្រទេសថៃកាន់តែមានការកើនឡើងខ្លាំង ពីមួយថ្ងៃទៅមួយថ្ងៃដោយនៅថ្ងៃនេះតួលេខនៃករណីឆ្លងកាន់តែហក់ឡើងខ្ពស់ជាងថ្ងៃម្សិលយ៉ាងច្រើនដែលធ្វើឲ្យអាជ្ញាធរ និងប្រជាពលរដ្ឋប្រទេសនេះផ្ទាល់មានការព្រួយបារម្ភនឹងការប្រឈមមុខជាមួយជំងឺដ៏សាហាវនេះណស់ ។
បើតាមក្រសួងសុខាភិបាលថៃនៅថ្ងៃទី៤ ខែសីហា ឆ្នាំ២០២១នេះ បានប្រកាសរកឃើញករណីឆ្លងថ្មីនៃជំងឺកូវីដ-១៩ មានចំនួន២០២០០នាក់ និងអ្នកស្លាប់ដោយសារជំងឺនេះមានចំនួន១៨៨នាក់ ក្នុងរយៈពេល២៤ម៉ោងចុងក្រោយនេះ ដែលធ្វើឲ្យតួលេខនៃចំនួនអ្នកឆ្លងសរុបនៅទូទាំងប្រទេសមានចំនួន៦៤៣៥២២នាក់ និងចំនួនអ្នកស្លាប់សរុបជាង៥ពាន់នាក់ ។
បើទោះបីយ៉ាងណាក្តីតួលេខនៃករណីឆ្លងថ្មីដែលត្រូវបានប្រកាសចេញនៅថ្ងៃនេះត្រូវបានគេសង្កេតឃើញថាជាតួលេខដែលខ្ពស់ជាងកាលពីពេលមុនច្រើនណាស់ដែលប្រទេសនេះមិនធ្លាប់ជួប ។ ពាក់ព័ន្ធនឹងបញ្ហានេះកន្លងមកនាយករដ្ឋមន្ត្រីថៃធ្លាប់បានព្រមានដល់ប្រជាពលរដ្ឋរបស់ខ្លួនបើមិនព្រមសហការចូលរួមទប់ស្កាត់ និងការពារជំងឺនេះទាំងអស់គ្នានោះទេ នោះស្ថានភាពនឹងពិបាកស្រោចស្រង់ហើយ ៕
