ការផលិតរថយន្ដរបស់កូរ៉េខាងត្បូង ធ្លាក់ចុះ០,៦ភាគរយ ក្នុងត្រីមាសទី១ ដោយសារតម្រូវការធ្លាក់ចុះ

សេអ៊ូល ៖ សមាគមផលិត រថយន្តកូរ៉េខាងត្បូង បានឲ្យដឹងថា ផលិតកម្មរថយន្តរបស់កូរ៉េខាងត្បូង បានធ្លាក់ចុះ ០,៦ ភាគរយ នៅក្នុងត្រីមាសទី១ ធៀបនឹងឆ្នាំមុន ដោយសារតែតម្រូវការយឺត នៅក្នុងសហរដ្ឋអាមេរិក និងចិន នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់ នៅថ្ងៃទី២៣ ខែឧសភា ឆ្នាំ២០១៩។

ចាប់ពីខែមករា ដល់ខែមីនា ប្រទេសកូរ៉េខាងត្បូង បានផលិតរថយន្តសរុបចំនួន ៩៥៧,៤០២ គ្រឿង ធ្លាក់ចុះពីចំនួន ៩៦២,៨០៣ គ្រឿង ក្នុងរយៈពេលមួយឆ្នាំ កន្លងមក។

សមាគមរោងចក្រ ផលិតរថយន្ដកូរ៉េ (KAMA) បានឱ្យដឹង ក្នុងសេចក្តីថ្លែងការណ៍មួយថា វាស្ថិតនៅលំដាប់ទី៧ នៃបរិមាណផលិតកម្ម បន្ទាប់ពីប្រទេសចិន សហរដ្ឋអាមេរិក ជប៉ុន អាល្លឺម៉ង់ ឥណ្ឌា និងម៉ិកស៊ិក។

សេចក្តីថ្លែងការណ៍ បានឲ្យដឹងថា “ការធ្លាក់ចុះទិន្នផលប្រចាំត្រីមាស គឺដោយសារតែ មិនមានភាពបត់បែន ក្នុងការផ្លាស់ប្តូរទីលំនៅរបស់កម្មករ និងផលិតផល រវាងបន្ទាត់ការដំឡើង នៅតាមរោងចក្រក្នុងស្រុក និងការកែសម្រួលស្តុក៕