អ្នកទោសហែកគុកដែលនៅសល់ចំនួន២នាក់ ដែលរត់គេចខ្លួនជិត 10 ថ្ងៃ នៅវាលាម៉ោង 11 និង 30 នាទីថ្ងៃទី17 ខែវិច្ឆិកានេះត្រូវបានកម្លាំងសមត្ថកិច្ចចាប់បានត្រឡប់មកវិញអស់ហើយ នៅចំណុចភូមិកោះហឹប ឃុំអូរស្វាយ ស្រុកបូរីអូរស្វាយសែនជ័យ។សមត្ថកិច្ចបានឲ្យដឹងថាដោយមានការសហការជាមួយកម្លាំងយោធាកម្លាំងនគរបាលកម្លាំងអនុរក្សពន្ធនាគារ ថ្ងៃនេះអ្នកទោសដែលនៅសល់ពីរនាក់ ត្រូវបានកម្លាំងសមត្ថកិច្ចឡោមព័ទ្ធចាប់បាន ជាអ្នកទោសចុងក្រោយដែលសព 2 នាក់ ក្នុងចំណោមអ្នកទោសទាំង 7 នាក់ ដែលធ្វើសកម្មភាពហែកគុក កាលពីយប់ឈានចូលថ្ងៃទី៨វិច្ឆិកា កន្លងទៅ។បន្តិចបានបន្តឲ្យដឹងទៀតថាអ្នកទោសទាំង២នាក់ដែលត្រូវចាប់ខ្លួនបានមកវិញចុងក្រោយនេះមានឈ្មោះ ឡាវ៉ាន់ កាវង់ផេង ជនជាតិឡាវ និងម្នាក់ទៀតឈ្មោះ សៀន ខន ។សមត្ថកិច្ចបានបញ្ជាក់ថា:កាលពីយប់ថ្ងៃទី១៦វិច្ឆកាបានទទួលព័ត៌មានថា
ទោសចំនួន២នាក់បានលួចទូកអ្នកភូមិជិះសំដៅ ទៅចំណុចកោះហឹប កម្លាំងសមត្ថកិច្ចចម្រុះបានធ្វើការតាមប្រមាញ់ ឃើញពួកគេដកដំឡូង ក្នុងចំការអ្នកភូមិ ទើបសមត្ថកិច្ចធ្វើការឡោមព័ទ្ធចាប់ខ្លួនបានទាំង២នាក់តែម្តង។គួរបញ្ជាក់ថាកាលពីយប់ឈានចូលថ្ងៃទី៨ខែវិច្ឆិកា២០២១ក្រុមអ្នកទោសបទឧក្រិដ្ឋគ្រឿងចំនួន៦និងឃាតកម្មម្នាក់ រួមគ្នាទម្លាយជញ្ជាំងជាច្រើនដំណាក់រត់គេចខ្លួន តែត្រូវកងកម្លាំងចាប់បានមកវិញជាបន្តបន្ទាប់ចាប់តាំងពីយប់ថ្ងៃទី៩រហូតមកដល់ថ្ងៃទី១៧ នេះគឺចាប់ប្រមូលបានមកវិញទាំងអស់ហើយ៕
