អាមេរិក៖ អ្នកជិះបាឡុងខ្យល់ហោះប្រមាណចំនួន៥នាក់បានស្លាប់បន្ទាប់ពីបាឡុងនេះហោះទៅទាក់ ខ្សែបង្គោលភ្លើងបណ្តាលឲ្យធ្លាក់ចុះមកវិញបង្កការភ្ញាក់ផ្អើល និងរន្ធត់ជាខ្លាំង។ នេះបើយោងតាមសារព័ត៌មាន CNA នៅថ្ងៃទី២៧ ខែមិថុនា ឆ្នាំ២០២១នេះ ។
បើតាមមន្ត្រីប៉ូលិសអាមេរិកដែលបានចុះទៅកន្លែងកើតហេតុនេះបានឲ្យដឹងថា ហេតុការណ៍ខាងលើបានកើតឡើង នៅខ្ទង់ម៉ោង៧នាទីព្រឹកថ្ងៃសៅរ៍ ក្នុងទីក្រុង Albuquerque រដ្ឋ New Mexico សហរដ្ឋអាមេរិក ។ ក្នុងចំណោមជនរងគ្រោះទាំងនោះ មាន៤នាក់ស្លាប់នៅកន្លែងកើតហេតុផ្ទាល់ ខណៈម្នាក់ទៀត ត្រូវបានបញ្ជូនទៅមន្ទីរពេទ្យភ្លាមៗដែរទាំងរបួសធ្ងន់ធ្ងរ ប៉ុន្តែនៅមិនអាចជួយសង្រ្គោះជីវិតបាន ។
បើទោះបីយ៉ាងណាក្តី កន្លែងបាឡុងហោះដ៏ពេញនិយមនៅក្នុងទីក្រុងមួយនេះ មិនសូវមានឧបទ្ទវហេតុ ដូចនេះកើតឡើងនោះឡើយគឺកើតឡើងម្តងម្កាលតែប៉ុណ្ណោះ បើគិតពីឆ្នាំ២០០៨រហូតដល់ពេលនេះ មានត្រឹម១២ករណីនោះទេ ដែលបានបណ្តាលឲ្យមនុស្សបាត់បង់ជីវិត ៕
