ភ្នំពេញ៖ លោកគឹម មករា អគ្គនាយកក្រុមហ៊ុនកាវវិទ្យាសាស្ត្ររចនា GlUE VIP បានប្រកាសស្វែងរកទីតាំងស្នាក់នៅ និងផ្តល់ជំនួយកម្លាំអមនុស្សធម៌ដល់លោកតាងងឹតភ្នែកដើរសុំទាននៅតាមផ្លូវម្នាក់បានលុយហើយមានសទ្ធាជះថ្លាដាក់បាតព្រះសង្ឃដែលធ្វើឲ្យកក្រើកពេញបណ្តាញសង្គម ។
ការប្រកាសរបស់អគ្គនាយកក្រុមហ៊ុនកាវវិទ្យាសាស្ត្ររចនា GlUE VIPនេះ ធ្វើឡើងបន្ទាប់ពីមានការផ្សាយជាច្រើនទាំងក្នុងបណ្តាញសារព័ត៌មាន និងទាំងក្នុងបណ្តាញសង្គមហ្វេសប៊ុក អំពីសកម្មភាពរបស់លោកតាងងឹតភ្នែកដើរសុំទានគេតាមផ្លូវដើម្បីចិញ្ចឹមជីវិត ប៉ុន្តែនៅពេលដឹងថាព្រះសង្ឃជាសាមណេរតូច ដែលកំពុងគោចរនិមន្តបិណ្ឌបាត បានយកថវិកាដែលខ្លួនសុំគេបានយកមកប្រគេនដល់សាមណេរតូចដោយមិនដាច់ចិត្តសាមណេរតូចនោះបានលួចដាក់លុយនោះក្នុងចានលោកតាវិញ ។
ទិដ្ឋភាពនេះបានធ្វើឲ្យរំជួលចិត្តរបស់លោកគឹម មករា អគ្គនាយកក្រុមហ៊ុនកាវវិទ្យាសាស្ត្ររចនា GlUE VIP យ៉ាងខ្លាំង ដែលលោកជាអ្នកសុំទានសោះ ប៉ុន្តែឆ្លៀតយកលុយដែលសុំបានបន្តិចបន្តួចយកមកធ្វើបុណ្យជាមួយព្រះសង្ឃថែមទៀត ពិតជាមនុស្សម្នាក់ដែលកម្ររកបានណាស់ និងគួរតែទទួលបានកជួយជ្រោមជ្រែង និងលើកទឹកចិត្ត ។ មិនតែលោកអគ្គនាយកក្រុមហ៊ុនកាវវិទ្យាសាស្ត្ររចនា GlUE VIP ប៉ុណ្ណោះនោះទេ សូម្បីមហាជនអ្នកលេងបណ្តាញសង្គមហ្វេសប៊ុកក៏ផ្ទុះកាចាប់អារម្មណ៍យ៉ាងខ្លាំងផងដែរ ។
សូមជម្រាបថា លោកគឹម មករា អគ្គនាយកក្រុមហ៊ុនកាវវិទ្យាសាស្ត្ររចនា GlUE VIP កំពុងត្រៀមថវិកា និងសម្ភារៈប្រើប្រាសមួយចំនួនសម្រាប់ជូនដល់លោកតាកម្សត់នេះ ។ ក្រៅពីនេះសប្បុរសជន ដែលមានសទ្ធាចង់ចូលរួមក្នុងសកម្មភាពមនុស្សធម៌នេះក៏អាចចូលរួមបានផងដែរ ។ ដោយឡែកសម្រាប់បងប្អូនប្រជាពលរដ្ឋណាបានស្គាល់ទីតាំងស្នាក់របស់លោកតាសូមទំនាក់ទំនងទៅលោកគឹម មករាដោយផ្ទាល់តាម រយ:លេខ089 35 05 27 ៕
