ប្រាសាទអង្គរវត្តដែលជាកេរ្តិ៍មរតករបស់បុព្វបុរសរបស់ខ្មែរដែលមានតម្លៃយ៉ាងអនេកអនគ្ឃដែលត្រូវបានកសាងឡើងក្រោមស្នាព្រះហស្តព្រះបាទសូរ្យវរ្ម័នទី២ (King Suryavarman II) នៅដើមសតវត្សទី១២ ដែលបច្ចុប្បន្នប្រាសាទនេះបានជាប់ឈ្មោះជាមហាប្រាសាទព្រហ្មញ្ញសាសនាធំជាងគេ ខណៈរមណីយដ្ឋានអង្គរទាំងមូលក៏បានជាប់ឈ្មោះជាទេវស្ថានដ៏ធំបំផុតមួយក្នុងលោក ។
ក្នុងមួយឆ្នាំៗរមណីយដ្ឋានអង្គរវត្តទទួលភ្ញៀវទេសចរណ៍ជាតិ និងអន្តរជាតិរាប់ម៉ឺននាក់ ដែលធ្វើដំណើរទៅទស្សនា ដោយក្នុងនោះគេក៏សង្កេតឃើញមានតារាបរទេសល្បីៗជា ច្រើនដែលធា្លប់បានមកដល់ទឹកដីកម្ពុជា និងទស្សនាប្រាសាទបុរាណមួយនេះ ដោយ សារប្រាសាទស្នាដៃបុព្វបុរសខ្មែរនេះមានភាពល្បីល្បាញខ្ទរខ្ទាយ៉ាងខ្លាំងនៅទូទាំងសកលលោក ។
តារាបរទេសល្បីៗទាំង៥រូបនោះរួមមាន៖ តាសាក់ឡូ ឬ ឆាលី ឆាព្លីន (Charlie Chaplin) តារាកំប្លែងអង់គ្លេសដ៏ល្បីល្បាញនាសតវត្សទី២០ បានមកទស្សនានៅអំលុងឆ្នាំ១៩៣៦ ។ លោកស្រី អេនជេលីណា ជូលី (Angelina Jolie) តារាសម្តែង និងជាអ្នកផលិតខ្សែភាពយន្តអាមេរិក។ លោកស្រីធ្លាប់បានមកប្រទេសកម្ពុជា ក៏ដូចជាបានចូលទស្សនាប្រាសាទអង្គរវត្ត និងតំបន់រមណីយដ្ឋានអង្គរទាំងមូលច្រើនលើកដែរ ប៉ុន្តែពេលដែលលោកស្រីមកទស្សនាអង្គរដំបូងបង្អស់នោះ គឺនៅអំលុងឆ្នាំ២០០០។ លោក ជុង ជីហ៊ុន ហៅ រ៉េន (Jeong Ji-hoon) តារាចម្រៀងកូរ៉េខាងត្បូង បានមកទស្សនានៅអំលុងឆ្នាំ២០០៨។ លោក អ៊ី រ៉ុងហ្គ័ង (Yu Rongguang) តារាភាពយន្តហុងកុងដែលសម្ដែងជាតួអង្គមេទ័ព គួន អ៊ីឆាង ក្នុងរឿងសាមកុក ក៏បានមកទស្សនារមណីយដ្ឋានអង្គរនៅអំលុងឆ្នាំ២០១៧ ដែរ។ តារាក្បាច់គុនខ្មែរសុរិន្ទនៅថៃ លោក តូនី ចា (Tony Jaa) បានមកទស្សនានៅអំលុងឆ្នាំ២០១៩។លោក PSY តារាចម្រៀងកូរ៉េខាងត្បូង (កំណត់កាលបរិច្ឆេទមិនបាន) ដោយឃើញតែរូបភាព។
សូមជម្រាបថា ក្រៅពីតារាល្បីៗទាំង៥ដួងខាងលើនេះ ក៏នៅតារាបរទេស និងបុគ្គលល្បីៗជាច្រើនទៀត ដែលបានមកទស្សនាប្រាសាទអង្គរវត្ត ក៏ដូចជារមណីយដ្ឋានអង្គរវត្តនេះ ៕
