កំពង់ចាម៖ លោក គឹម មករា អគ្គនាយកក្រុមហ៊ុនកាវវិទ្យាសាស្រ្តរចនាGLUE VIP និងក្រុមហ៊ុនសាប៊ូ បោកខោអាវ រ៉កឃ្លីន បានសហការចូលរួមគ្នាប្រទេយ្យទាន និងសម្ភារៈថវិកាមួយចំនួនប្រគេនដល់ចៅអធិការវត្ត ចត្តពនហៅវត្តត្រី ភូមិល្វាក្រោម ឃុំស្ដៅ ស្រុកកងមាស ខេត្តកំពង់ចាម កាលពីថ្ងៃទី៤ ខែមិថុនា ឆ្នាំ២០២១ ។
បើតាមលោកអគ្គនាយកក្រុមហ៊ុនកាវវិទ្យាសាស្រ្តរចនាGLUE VIP បានឲ្យដឹងថា ទេយ្យទានដែលយកប្រគេនព្រះគ្រូចៅអធិការវត្តខាងលើនេះរួមមាន អង្ករ ត្រីខ ផ្អកសាច់ជ្រូក ថវិការ និងសម្ភារៈប្រើប្រាស់មួយចំនួន ដើម្បីជួយសម្រួលដល់ការផ្គត់ផ្គង់ចង្ហាន់ និងការកសាងសិទ្ធផលក្នុងវត្តនេះបន្ថែមទៀត ។
អគ្គនាយកក្រុមហ៊ុនកាវវិទ្យាសាស្រ្តរចនាGLUE VIP បានបន្ថែមថា ការដែលរូបលោក និងក្រុមហ៊ុនសាប៊ូ បោកខោអាវ រ៉កឃ្លីន បានយកទេយ្យទានមួយចំនួនមកប្រគេនដល់ព្រះសង្ឃក្នុងវត្តនេះ ដោយសារមើលឃើញអំពីតម្រូវការ និងការខ្វះខាតជាច្រើននៅក្នុងវត្តមួយនេះ ដែលកំពុងរងចាំជំនួយពីសប្បុរសជននានាជួយចូលរួមកសាងតាមកម្លាំងសទ្ធា ។
សូមជម្រាបថា សកម្មភាពសប្បុរសធម៌របស់ លោក គឹម មករា អគ្គនាយកក្រុមហ៊ុនកាវវិទ្យាសាស្រ្តរចនាGLUE VIP មិនមែនត្រឹមតែពេលនេះនោះទេ កន្លងមករូបលោកបាន ធ្វើនូវកិច្ចការមនុស្សធម៌ដល់ប្រជាពលរដ្ឋជាច្រើនជាច្រើនតាមលទ្ធភាពដែលលោកអាចធ្វើទៅបាន ដើម្បីជួលសម្រាលទុក្ខលំបាកខ្លះៗ ៕
