ខេត្តកោះកុង ៖ បុរសម្នាក់ កំពុងបើករថយន្តសុខៗ ស្រាប់តែឆ្លងភ្លើងបង្កើតអគ្គិភ័យ ឆាបឆេះ រថយន្តសាំយ៉ុងមួយគ្រឿង អស់ទាំងស្រុង កាលម៉ោង០២រសៀល នៅចំនុចkm ៦០/៦១ ស្ថិតក្នុង ភូមិជីមាល ឃុំអណ្ដូងទឹក ស្រុកបូទុមសាគរ ខេត្ត កោះកុង។
សមត្ថកិច្ចបានអោយដឹងថា រថយន្ត ដែលភ្លើងឆាបឆេះគឺម៉ាក សាំយ៉ុងពណ៍សំបកឪឡឹក ស្លាកលេខកំពត 2A 9899 ទិសដៅដឹកទំនិញពីកោះកុង ទៅខេត្តកំពត។ អ្នកបើកបរមានឈ្មោះ ហង្ស សួង អាយុ ៣៥ ឆ្នាំ រួមដំណើរដោយព្រូរថយន្តម្នាក់ទៀត។ ពួកគាត់ទាំង២នាក់ មិនមានរងរបួសទេ តែរថយន្ត និងទំនិញក្នុងរថយន្តត្រូវភ្លើងឆេះខូចខាតទាំងអស់ស្រុង ៕
