ភ្នំពេញ ៖ បុរសម្នាក់ ត្រូវរថយន្ត កិនស្លាប់ភ្លាមៗ នៅកន្លែង កើតហេតុ ក្នុងករណី រថយន្តបើកគៀម៉ូតូ កាលពីម៉ោង០៨ នឹង១០នាទីយប់ ថ្ងៃទី៣០ ខែមេសា ឆ្នាំ២០២១ ដែលស្ថិតនៅតាមបណ្តោយផ្លូវមហាវិថីឈ្នះ ឈ្នះ ស្ថិតក្នុងភូមិកប់ស្រូវធំ សង្កាត់គោរកា ខណ្ឌព្រែកព្នៅ រាជធានីភ្នំពេញ។
សពជនរងគ្រោះនៅមិនទាន់ស្គាល់អត្តសញ្ញាតិនៅឡើយទេមានវ័យប្រហែល៤០ឆ្នាំ។
ប្រភពព័ត៌មានបានឲ្យដឹងថា មុនពេលកើតហេតុគេបានឃើញបុរសម្នាក់បើកម៉ូតូមួយគ្រឿងម៉ាកស្កុបពីពណ៍សពាក់ស្លាកលេខភ្នំពេញ 1IF-9850 ធ្វើដំណើរតាម បណ្តោយផ្លូវមហាវិថីឈ្នះឈ្នះក្នុងទិសដៅពីកើតទៅលិច លុះមកដល់ត្រង់ចំណុចកើតហេតុ ស្រាប់តែមានរថយន្តដឹកទំនិញ មួយគ្រឿង ម៉ាកហុីយ៉ានដាយ ពណ៌ក្រហមពាក់ស្លាកលេខភ្នំពេញ 3F-4369 បើកបរដោយបុរសម្នាក់ក្នុងទិសដៅស្របគ្នា មកពីក្រោយបានគៀ ជាមួយម៉ូតូ បណ្តាលឲ្យដួលខ្ទាត់ចូលកង់ រថយន្តកិន ស្លាប់ភ្លាមៗនៅកន្លែងតែម្តង ចំណែកឯតៃកុងរថយន្តបានចុះរត់គេចខ្លួនបាត់ស្រមោល បន្សល់ទុកតែរថយន្ត ប័ណសំគាល់រថយន្ត នឹងប័ណសំគាល់ខ្លួននៅកន្លែងកើតហេតុ។
ក្រោយកើតហេតុសម្ថកិច្ចមូលដ្ឋានបានមកដល់ រួចបានទាក់ទងទៅសម្ថកិច្ចជំនាញចរាចរណ៍ផ្លូវគោករាជធានីភ្នំពេញធ្វើការវាស់វែងយករថយន្តបង្ក នឹងម៉ូតូជនរងគ្រោះទៅរក្រាទុកនៅស្នងការដ្ឋាននគរបាលរាជធានីភ្នំពេញរងចាំស្វែងរកម្ចាស់រថយន្ត មកធ្វើការដោះស្រាយគ្នានៅពេលក្រោយតាមផ្លូវច្បាប់ ចំណែកសពជនរងគ្រោះសម្ថកិច្ចកំពុងទំនាក់ទំនងរកសាច់ញាតិមកទទួលយកទៅធ្វើបុណ្យតាមប្រពៃណី៕
